Charter Document - 03980163
| Charter Number: | 03980163 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1297 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen Nos Hainricus Vlricus et Albero filii domine Tuete in Lynza presentibus protestamur quod cum hereditatem paternam inter nos diuideremus sorori nostre Agneti pro sua porcione quandam vineam in Staina dictam in dem viertail que ad nos a progenitoribus nostris hereditario iure deuenerat tradidimus absolute renunciantes penitus omni iuri quod habuimus in eadem Cum itaque dominus Otto Canonicus et plebanus ecclesie domus Sancti Floriani quandam pecunie summam haberet in deposito cum bona videlicet sui prelati et conuentus consciencia que sibi fuerat a quibusdam plebesanis suis specialiter de ipso presumentibus in animam et fidem suam taliter recommissa quod de ipsa circa cultum diuinum memoriale perpetuum eis pro animarum suarum remedio procuraret a predicta sorore nostra Agnete dictam vineam conparauit pro lv libris winnensis monete nomine inquam ecclesie sue pariter et consensu vt de prouentibus prefate vinee singulis annis vna de parchano tunica ministretur singulis de conuentu prespiteris qui ad laudem gloriam et honorem intemerate matris dei Missam eiusdem virginis Marie in prefata Sancti Floriani ecclesia frequenter in ortu diei alternis inter se statutis vicibus celebrare sueueruut Ceterum quia fructus vinearum et ortorum eque non oueniunt vno anno ceu reliquo set secundum var i etatem fortune annis fere singulis modo in plus modo in minus alterari videntur necessarium et consultum est vt si quid de prouentibus dicte vinee residuum vel superfluum fuerit vltra comparacionem tot videlicet tunicarum de anno magis fertili in sequentem forte minus fertilem prouide reseruetur ne ipsa vinea deficiat in cultura vel redditus deflciant pro celebranda missa deuocius deputati Nos igitur gaudentes ex eo quod hereditas nostra versa est non ad alienos vel extraneos set ad Christum piissimum coheredem et dignissimam virgineam eius matrem et omnium sanctorum veneracionem communem promittimus cum ipsa sorore nostra sepe dictam vineam prenotate ecclesie venditam et in nostra possessione multis annis sine omni penitus inpeticione habitam si necesse fuerit quod non crediraua vel timemus ab omni impeticione vel lite que suboriri posset super vendicione nostra libera dicto monasterio defendere ac tueri omni iure quo possumus et debemus Vt autem hec omnia nostra promissa permaneant inconuulsa ad ipsa integraliter persoluenda nos ipsos et nostra sepe dicte ecclesie obligamus dantes nichilominus super hiis presentem paginam nostris et ciuitatis nostre sigillis munitam cum testibus subnotatis Dominus Hainricus de volchensdorf dominus Chunradus de Capella dominus Otto Wolfstain dominus Ditmarus Wolfstein dominus Leutoldus de Wald Herbordus de Libera ciuitate Eberhardus gener eius Hainricus filius mutarii Fridericus frater eius Hainricus Horenporst Fridericus frater eius Siboto meglo de Staina Vlricus Gaerzavn ibidem Petrus filius Vlrici quondam judicis in Lyntza Chunradus de euerding Vlricus stainperger et alii fide digni Actum Anno domini MCC Nonagesimo vii XI Kalendas Mai