Charter Document - 03980159
| Charter Number: | 03980159 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Ditmarus de aistershaim ad noticiam omnium tam presencium quam futurorum cupio peruenire quod dominus Einwicus venerabilis prepositus totusque conuentus domus sancti floriani de mee fidei sinceritate singulariter presumentes duo predia sua in spech et reichgozzing sita que dominus Rudigerus de Huetten pro remedio vxoris sue bone memorie domine Elyzaheth matertere mee eidem legauit ecclesie michi conmiserunt sine fructu quolibet defendenda Ex speciali michi nichilominus gracia promittentes quod de eisdem prediis per commutacionem uel uendicionem sine scitu et consilio meo nichil debeant ordinare Et ne uel ego tempore uite mee uel heredes mei post me aliquod ius aduocacie occasione talis conmissionis nobis debeamus in eisdem prediis uendicare ne ue memorata ecclesia ad promissum michi soli de commutacione uel uendicione eorundem prediorum factum uideatur meis eciam heredibus obligata presentem litteram predicto monasterio tradidi sigilli mei munimine roboratam testibus annotatis qui sunt dominus Rugerus de hvetten Dominus Espinus de hag Dominus Otto de pocksmvnter Heinricus Tobler Herwordus de chremstorf Fridericus de Swainpach et plures alij qui eidem facto interfuerunt audiuerunt pariter et uiderunt Acta sunt autem Anno domini MCCXCV In inuencione beati Stephani