Charter Document - 03980157
| Charter Number: | 03980157 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
Cum dubia et fragilis uita mortalibus sit tributa necesse est ut quilibet in presenti statu anime sue prouideat taliter in futurum ut pro uita transitoria uitam interminabilem emercatur Proinde nos Vlricus diuina miseracione prepositus Einwicus Decanus totusque Conuentus domus sancti Floriani scire uolumus uniuersos presentis pagine inspecturos quod cum Ditmarus dictus Posacus ob anime sue salutem Ecclesie nostre medietatem molendini sui quod ciuitati Anesi cantiguum adiacet proprietatis titulo tradidisset de consilio amicorum suorum suique filii Salczburgensis canonici statuit ordinando ut post obitum suum de eodem molendino vnum talentum denariorum distribuatur perpetuo inter fratres Nosque versa uice eidem duximus promittendum ut eo suisque vxoribus domine Margarete et domine Gertrude in uno die simul conscriptis anniuersarium ipsorum ea deuocione annis singulis celebremus quem ad modum in anniuersariis nostrorum facere consueuimus sacerdotum In cuius facti memoriam presentem litteram sibi dedimus sigillorum nostrorum munimine roboratam Datum anno domini Millesimo Ducentesimo Nonagesimo Quarto Tercio Kalendas Junii