Charter Document - 03980155
| Charter Number: | 03980155 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
Chunradus dei gracia sancte Salzburgensis ecclesie archiepiscopus apostolice Sedis Legatus vniuersis christi fidelibus presentes litteras inspecturis Salutem in eo qui est omnium vera salus Cupientes christi fideles quibusdam muneribus illectiuis indulgenciis scilicet et remissionibus ad pietatis et deuocionis opera inuitare vt exinde reddantur diuine gracie apciores Omnibus vere penitentibus et confessis qui Monasterium sancti Floriani Ordinis sancti Augustini Patauiensis dyocesis in anniuersario dedicacionis et per octauam accesserint annuatim Quadraginta dies qui vero misse beate virginis que cottidie ibidem celebrari consueuit interfuerint viginti dies de iniuncta ipsis penitencia misericorditer in domino relaxamus Nos quoque Albertus Chiemensis et Heinricus Lauentensis dei gracia ecclesiarum episcopi Omnibus vere penitentibus et confessis qui dictum Monasterium sancti Floriani in anniuersario dedicacionis et per Octauam vt premittitur accesserint annuatim Quadraginta dies qui vero misse beate virginis qui cottidie ibidem celebrari consueuit interfuerint decem dies singuli misericorditer in domino relaxamus dummodo dyocesani consensus accesserit et voluntas Datum Salzburge anno domini Millesimo CC Nonagesimo quarto XIIII kalendas Julii