Charter Document - 03980154
| Charter Number: | 03980154 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1294 |
| Date type: | Internal, A.D. |
| Resource Link(s): |
Monasterium.net |
Charter:
Hainricus dei gratia Episcopus Ecclesie Brixinensis vniuersis christi fidelibus presens scriptum intuentibus Salutem in omnium saluatore Cupientes christi fideles quibusdam muneribus illectiuis indulgenciis scilicet et remissionibus ad pietatis et deuocionis opera inuitare vt exinde reddantur diuine gratie aptiores Omnibus vere penitentibus de peccatis suis contritis et confessis qui ad Missam beate virginis in Ecclesia sancti Floriani Patauiensis dyocesis causa deuocionis conuenerint decem dierum Indulgenciam de omnipotentis dei misericordia et beatorum apostolorum eivs Petri et Pauli confisi suffragiis in domino misericorditer relaxamus dum tamen ad hoc consensus dyocesani Episcopi accesserit et voluntas Datum in Salzburga VI Idus Junii Anno domini MCC Nonagesimo Quarto