Charter Document - 03980151
| Charter Number: | 03980151 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wichardus de Polnheim Castellanus Anesi Ciuitatis Heinricus Laufner et Vlricus dictus vumfchircher judex Totaque vniuersitas ciuium ibidem scire uolumus uniuersos ad quos peruenerit presens scriptum quod Ditmarus dictus Posach mediam partem sui molendini in Lorich quod non ut asseruit successione hereditaria sed conuencione pecuniaria conquisiuit tradidit per manus Heinrici de Husendorf ius Salmanni super idem habentis omnibus nobis audientibus et uidentibus Ecclesie sancti Floriani proprietatis titulo perpetuo possidendam et hoc Principaliter propter deum et ut prebenda vnius sacerdotis sibi pro vite sue tempore ibidem debeat ministrari Condicionem nichilominus hanc apponens vt siquis heredum suorum huiusmodi donacioni sue pro sola sustentacione corporis sui facte forsan contradicere presumpserit ipsumque molendinum ex integro possidere affectauerit debeat eandem medietatem pro triginta talentis wiennensis monete in sancto die Natiuitatis domini ab Ecclesia redimere memorata Et quia idem Molendinum in districtu nostre uidetur positum ciuitatis ad peticionem dicti Posaci dedimus prefato monasterio super donacione sibi facta nostras testimoniales litteras Sigillis nostris Castellani videlicet et Ciuitatis cum annotacione testium communitas Testes itaque sunt Dominus Wichardus de Polnheim Dominus Heinricus Laufner Heinricus de Husindorf Ditmarus Posacus de Hag Otto dorfmaister Ditericus De Hungirsperg Vlricus super Cellari Teimo cum aliis potioribus ciuibus ciuitatis Heinricus tobler Ditericus walich Herbordus de Chremsdorf et plures alii qui eidem facto interfuerunt audiuerunt pariter et uiderunt Acta sunt hec Anno domini MCCXCIIII in die sancti Rudberti Episcopi