Charter Document - 03980150
| Charter Number: | 03980150 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Leo miles de Warperch scire cupio vniuersos presentem paginam inspecturos quod cum tercia pars curie mee in qua resideo iuxta warperch ratione cuiusdam predii olim prope me positi et meis predecessoribus ad censum sexaginta denariorum dimissi ad ecclesiam sancti Floriani proprietatis titulo pertineret de consensu heredum meorum feci commutacionem cum ecclesia supradicta dando eidem pro proprietate sui pheodi mee curie adiacentis quoddam predium meum quod Gozgoer uulgariter nuncupatur Verum cum iuxta idem predium sihi traditum alias etiam habere uidear possessiones promiserunt mihi idem prepositus et conuentus vt si quando ego vel heredes mei in alio loco sibi placito aliud predium melius vel saltem equiualens loco eiusdem dare decreuerimus ecclesie memorate nequaquam nobis sint contrarii in hoc facto Et ne super eadem commutacione lis vel questio in posterum oriatur presentem litteram prefate tradidi Ecclesie sigillo proprio communitam Testibus subnotatis qui sunt Dominus Ortolfus de Chersperch Dominus Leutoldus de Wald Dominus Otto Wolfstain Heinricus Jacober Heinricus tobler Dietericus walich Herwordus de Chremsdorf Fridericus ad wagnern Geroldus wolfhardus de houelein Fridericus de Riedorf et plures alii qui eidem facto interfuerunt audiuerunt pariter et uideruut Acta sunt hec anno domini MCC Nonagesimo III Luce ewangeliste