Charter Document - 03980145
| Charter Number: | 03980145 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, A.D. |
| Resource Link(s): |
Monasterium.net |
Charter:
Cum dubia et fragilis homini sit uita tributa necesse est vt quilibet mortalium oportunitate a deo sibi concessa anime sue bona prouideat in futurum Proinde ego Vlricus dictus de Sintzenperg tenore presencium omnibus tam futuris quam presentibus cupio fieri manifestum quod in bona valitudine corporis mei accedente consensu vxoris mee domine Bericte nec non omnium heredum meorum legaui ecclesie sancti Floriani pro remedio animarum nostrarum me videlicet et vxoris mee prefate simulque omnium parentum meorum duo predia secus parrochiam Weiztra sita VII solidos minus X denarios annuatim soluencia proprietatis tytulo perpetuo possidenda tali nimirum condicione ut quamdiu diuina clemeneia michi et vxori mee presenti concesserit frui uita censum annuum x videlicet denarios in signum proprietatis Magistro jnfirmorum cui de eisdem prediis ordinare licebit annis singulis soluere teneamur si vero alter nostrum vinculis carnis fuerit dissolutus Magister jnfirmorum vnum predium sibi continuo vendicabit In cuius eciam anniuersario prouentus eiusdem predii distribuet inter fratres Superstite predictum censum de predio residuo nichilominus exhibente Vt autem ambo vocante domino viam carnis ingressi fuerimus vniuerse memoratus jnfirmarius de vtroque predio sese protinus intromittet et facta inter fratres distribucione premissorum denariorum dies anniuersarii nostri pariter conscriptorum celebrabitur quemadmodum vnius de consorcio sacerdotis Quod si forte per negligenciam aliquam fuerit pretermissum et ad exhortacionem heredum meorum vel consanguineorum correccio differetur vnus heredum meorum qui tunc temporis senior extiterit tanto tempore sibi tenebitur eadem predia vsurpare quoadusque negligencia prehabita fuerit emendata facta quoque emendacione nichil iuris heredibus meis amodo conpetit prediis in eisdem Et ne prefata ecclesia super huiusmodo donacione mea ab heredibus meis siue consanguineis molestiam seu calumpniam aliquam in posterum paciatur presentem sibi dedimus litteram sigillo domini mei videlicet domini Hainrici de Volkchenstorf cum sigillum proprium non habeam roboratam Testibus annotatis qui sunt dominus meus dominus Hainricus de Volkchenstorf domimts Otto Wolfstain dominus Arnoldus Wolfstain Albertus de Wald Seyfridus de Waeliching Hainricus Jacober Reicherus zwikchel Vlricus iunior de Sintzenperig Hainricus Tobler et plures alii qui eidem facto interfueriint audiuerunt pariter et viderunt Acta sunt hec anno domini MCCLXXXX IIII idus Nouembris