Charter Document - 03980144
| Charter Number: | 03980144 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1290 |
| Date type: | Internal, A.D., Calendar |
| Resource Link(s): |
Monasterium.net |
Charter:
Hainricus dei gratia prepositus et Archydiaconus Fr decanus Totumque Capitulum Salzburgensis Ecclesie Honorabilibus in christo fratribus vl preposito E[inwico] decano Totique conventui domus Sancti Floriani Cum deuotis orationibus fraternam in domino karitatem Exigente pie deuocionis affectu quo diu ad nostre humilitatis fraternitatem feruentibus desideriis aspirastis peticioni vestre nobis per dominum Leonem nostrum dilectum et honorabilem concanonicum presentate benigno assensu duximus occurrendum Concedentes uobis bonorum omnium que fiunt in missis oracionibus ieiuniis vigiliis elemosinis et aliis piis operibus et sunt in antea in nostro Capitulo facienda participacionem in vita vestra pariter et in morte Eatenus eciam ut aput nos post vestrum discessum nobis litteratorie insinuatum tantum pro uobis fiat quantum pro nobis fieri consueuit In cuius rei eternam memoriam presentes litteras uobis dedimus sigillo nostri Capituli consignatas Petentes ut hec annis singulis in vestro conuentu senibus et iunioribus ostendantur ne abyssus dysmentigacionis tam religiose opus absorbeat pietatis Datum Saltzburge Anno domini MCCLXXXX XIIII Kalendas Julii