Charter Document - 03980141

Ich Johans von Roer tven chvnt mit disem brief allen dj in an sehent oder hoerent lesen daz der Brobst vnd div Samnunge datz sant Florians havs habent mier geliehen an einen grozzen nevten sehzige Phvnt phenninge wienner mvnze vuer die selben phenning han ich in gantwuertet meinen hof an der Eben mit allem dem daz da zve gehoert iz sei Acher oder Holz oder Wismat vnd han daz getan mit sotainen gelivbe swenne ich oder mein gerben dem Chloester di selben phenningen an sant Michels tag an alliv abslahvng des nvtze den iz di weil van dem hof hat mit gantzer zal wider geit so wiert der hof sazhant ledich di weil aver dez niht geschieht di weil sehoel daz Chloester den selben hof haben in nvtze vnd in gweren an alle ansprach vnd ist dev satzvng geschehen mit meiner Havsvroewen ver Margareten vnd meins brvder Otten vnd meins svnes heinreichs di ier trewe habent dar vmbe gegeben daz si iz stete wellen behalten gvten willen Daz des vuerbaz iht werd vergezzen so gib ich dem selben Chloester meinen brief mit meinen jnsigel vnd dar zve meiner vrevnt jnsigel der volchenstorfer vnd gib in dar zve di zevg die hie geschriben sint Chunraten vnd sinen bruder Heinrichen dj volchenstorfer Heinrichen von volchenstorf Chunraten voen Chappelle Heinrichen vnd Otten voen Loenstoerf Ruegern voen Hvten Hern Perihtolden voen Harthaim Hern Livtolden voen Walde Her Dietrichen voen Ebilsperch Hern Otten wolfstain Hern Heinrichen von Lavffen Seifriden voen welichling Chunraten vnd Seifriden voen Lanzenperg Heinrichen den Jacober Ditmaren vnd Arnolten vnd Albrehten di wolfstain vlrichen voen Sinzenperg Eberharten voen Haeg Wilhalmen voen Chersperch Heinrichen den Tobler Bernharten voen Ahleiten Otten Zertlein Dietreichen den walich Herworten von Chremsdoerf vnd alle di da pei sint gewesen vnd gesehen vnd gehoert habent vnd ist daz geschehen nach vnsers herren gewuert vber tavsent iar vnd zwai hvndert iar an dem nevnzkisten iar des mitichen voer sant valenteins tag der gemartert ward