Charter Document - 03980130

In Nomine domini Amen Cum dubia et fragilis hominj sit vita tributa necesse est vt quilibet mortalium amicos sibj de rebus faciat transitoriis per quos in eterna tabernacula cum defecerit recipi mereatur Proinde ego Heinricus filius domini Ortolfi de volchenstdorf vniuersis tam futuris quam presentibus fieri cupio manifestum quod in bona valitudine corporis mej et cum matura deliberacione pariterque de consensu vxoris mee domine Margarete et fratris mei Hertnidi et omnium heredum meorum legaui Ecclesie sancti Floriani pro remedio animarum nostrarum et parentum nostrorum redditus sex talentorum et dimidii in vndecim prediis subnotatis Ex quibus quedam ad Cellerariam quedam ad Custodiam quedam ad infirmitorium deputaui Nam duo predia in Elchaim et duo predia in Reichpoltswinchel ad Officium cellerarie tali condicione assignaui vt hic qui eidem officine prefuerit quater in Ebdomada altare sancti Johannis apostoli in Monasterio positum hoc est in secunda feria de animabus in tercia feria de sancto Johanne in sexta feria de sancta Cruce in sabbato de domina nostra inofficiare perpetuo vel per se debeat uel per alium procurare cuj pro sui laboris salario ad singulas missas duos volo denarios exhiberi In quibus eciam missis memoriam mej et parentum meorum habebitur specialis Duo eciam predia in Elchaim tradidi Custodie ut Custos eidem altari in lampade nocte et die ardente ex oleo debeat prouidere Reliqua vero quinque predia quorum quatuor in weinpach et vnurn in noetinkstorf sunt sita decem et octo solidos denariorum et vnum modium silliginis annuatim soluentia ad infirmitorium deputaui ut rector eiusdem in proxima die que diem sequitur omnium animarum XII solidos singulis annis distribuat inter fratres vt videlicet in eadem die anniuersarium meum et parentum meorum ibidem simul conscriptorum ea sollempnitate peragant qua anniuersarium celebrare consueuerunt vnius de consortio sacerdotis Ipso eciam die magister infirmarie duas pernas pro sex solidis conparatas et vnum modium siliginis in elemosinas pauperum tenebitur erogare Hec igitur ordinacio mea si per negligenciam non obstante aliquo legitimo inpedimento fuerit pretermissa nec post trinam ammonicionem heredum meorum fuerit emendata senior de heredibus meis vel proximus consangwineus si liberis caruero de prescriptis possessionibus tanto tempore se intromittet donec ea que neglecta sunt reuocata fuerint et correcta facta autem emendacione hic qui pretextu huiusmodi ordinacionis mee de premissis bonis se intromiserat nichil vlterius habebit disponere cum eisdem Verum si ductus amore prediorum ad restitucionem se difficilem reddiderit eorundem super rehabicione ipsorum conuentus advocati sui auxilium inuocabit Et ne super huiusmodi donacione mea eadem Ecclesia calumpniam ab heredibus meis uel consanguineis meis in posterum paciatur presentem litteram eisdem tradidi duorum sigillorum mej videlicet et fratris mej Hertnidi munimine roboratam Testibus annotatis qui sunt Dominus chunradus de capella Dominus Heinricus de Lonstorf Dominus Otto Wolfstain et fratres suj Arnoldus et Albertus Ortolfus de Stadel Vlricus de Sinzenperg et filius suus Vlricus Sifridus de Welichling Haidenricus Otto marbech et plures alii qui eidem facto interfuerunt audiuerunt pariter et viderunt Acta sunt hec Anno domini MCCLXXXVIII XI Kalendas Marcii