Charter Document - 03980124
| Charter Number: | 03980124 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D. |
| Resource Link(s): |
Monasterium.net |
Charter:
Nos vlricus et Chvnradus de Capella scire cupimus vniuersos presentem paginam inspecturos quod rudolfus de Chremsdorf in remedium anime sue censum quadraginta denariorum qui sibi singulis annis soluebatur de Cvria in Potendorf spectante ad domum sancti Floriani relaxauit et donauit liberaliter svper altare sancti Floriani multis presentibus fide dignis Et nos ad petitionem domini vlrici prepositi et ipsius Rudolfi presentem litteram scribi fecimus sigillorum nostrorum adpensione roboratam in huiusmodi facti siue donationis memoriam et cautelam Actum anno Domini MCCLXXXIIII