Charter Document - 03980122
| Charter Number: | 03980122 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Receipt |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Vlricus dictus an dem Ek Ciuis in libera Ciuitate Notum facio vniuersis presentes litteras inspecturis quod cum dominus Ainwicus Camerarius et Canonicus domus sancti Floriani pro censu annuo videlicet XII solidis denariorum wiennensium quos per biennium non persolui de Curia dicta Prevhof me inpeteret aliquociens ut debebat et ego ex diuersis defectibus quos per idem biennium sustinui dictum censum exsoluere non valerem eidem mediante auxilio amicorum meorum institi diligenter ut defectus et sterilitatem anni adtendens me de predicti biennii censu absolutum dimittere dignaretur qui inclinatus meis et amicorum meorum precibus duxit taliter annuendum quod quandocunque de cetero annuatim in festo beati Michahelis archangeli sepe dictum censum videlicet XII solidorum usualis monete sibi et Ecclesie sancti Floriani predicte non persoluero ex tunc Curia Preuhof predicta vacabit sepe dicte Ecclesie sine contradictione qualibet absolute nec ego nec heredes mei de cetero quicquam iuris nobis vendicabimus in eadem nec in predicta solucione in sepe dicto termino facienda me inpedimentum aliquid nisi aquarum invndacio euidens uel persone mee captiuitas aliquatenus excusabit quibus cessantibus infra octo dierum spacium subsequencium dictum censum soluere non tardabo alioquin ut predixi perdidi omne ius quod habeo in curia supradicta In cuius rei testimonium et cautelam presentem litteram dedi nobilis viri domini mei de Levbolfinge Capitanei et Ciuitatis libere sigillorum robore communitam cum testibus subnotatis qui sunt hii Dominus Fridericus Castor Hainricus Swainpech Ortolfus Chersperger Otto Chersperger Vlricus dyabolus Hainricus Tobler Herbordus an dem Ek Chunradus Chaufman Chunradus Ekker Chunradus Panifex Hainricus denarius Chunradus filius Chalhohi et alii quam plures Actum in Loezperch anno domini MCCLXXXII in dominica ante festum beate Marie Magdalene