Charter Document - 03980101
| Charter Number: | 03980101 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1274 |
| Date type: | Internal, A.D., Calendar |
| Resource Link(s): |
Monasterium.net |
Charter:
Anno domini MCCLXXIIII Nos Chunradus prepositus totusque conuentus in domo sancti floriani tenere [pro tenore] presentium protestamur quod uir discretus Chunradus Wakrenarius ciuis in Lintz pio ductus affectu agrum quendam in uille nostre territorio situm pro octo libris conparauit et nostro Hospitali pretextu elemosine contulit sub hac forma ut in eodem Hospitali continue duo pauperes in perpetuum habeantur et in necessariis procurentur et nos uersa uice obligamus nos et nostram Ecclesiam ad memoratam condicionem inuiolabiliter obseruandam In cuius rei testimonium et confirmacionem presentes litteras ei scribi fecimus et sigillorum nostrorum munimine roborari Acta sunt hec in domo sancti Floriani Octauo X Kalendas Octobris