Charter Document - 03980099

Nos Chunradus dei gratia H[einricus] decanus totusque conuentus domus sancti Floriani scire cupimus uniuersos Lecturos tenorem presentium et audituros quod dominus Albertus pie memorie miles dictus Wolfstain dum agens in extremis conderet testamentum presentibus filiis consanguineis et amicis et aliis quam plurimis fide dingnis aput nos eligens sepulturam ecclesie nostre pro redemptione anime sue legauit hubam suam jn Mos soluentem annvis redditibus VI scaffia sjliginis et quatuor auene ad steuram et pro minutis seruiciis mediam libram denariorum tali uidelicet pacto quod singulis annis in suo anniuersario de quatuor scaffiis panes pistentur residua uero duo scaphya siliginis et quatuor auene vendantur quorum precio carnes emantur et exinde pauperibus elemosina distribuatur eodem die etiam Conventui fiet consolacio specialis de predio In Oberndorf et ut maiori deuocionis alacritate extremam defuncti voluntatem exequi debeamus quinque libre conventvi in subsidjum operis sunt collate sed et ei cui predicta huba fuerit a prelato et fratribus pro tempore commissa predicta media libra pro suis laboribus cedere debebit Quod si elemosinarum distribucjo per negligenciam jnterrupta fuerit et omissa Otto filius suus vel alij heredes se de predio Ecclesie in oberndorf et de sepe dicta hvba sine contradictione qualibet tam diu jntromittent quoadusque testatoris uotum secundum prescriptam formam elemosina pauperibus erogetur Sj uero per aeris intemperiem vel generalem cladis sterilitatem seu per quolibet causus [pro per quoslibet casus] fortuitos ipsa huba forsitan ad tantam inopiam deducatur quod de ipsa redditus consueti percipi nequeant et haberi non nobis tunc heredes Elemosine omissionem pro varietatis jnconstancja vel negligencia jnputabunt nec sibi debent hac occasione predicta predia vendicare Vt autem racionabilis disposicio testatoris et nostra promissio nequaquam ab hominum memoria lapsu temporis elabatur sed inviolabiliter jn posterum obseruetur presentem paginam scribi et sigillorum nostrorum mvnimine fecimus roborari testibus subnotatis Dominus Fridericus de Walde et dominus Richerus de stadil Dominus otto de haimbuch dominus Fridericus de Lapide dominus Ortolfus de Chersperge Dominus sifridus de Grillinperge milites Otto Judex de Grillinperge Muorjngarius Vlricus rater Liutolt de Walde Eberhart de holze Heinricus de Mos Dietmar Wolfstein Sifridus et Richerus fratres sui Otto et Arnoldus Albertus et dietricus fratres filii domini Alberti Ortolfus filius domini Reichen Otto de mos Otto emilinge Eberhart hager Ciues de anaso Tejm Sifridus virintage Heinricus de perge Djrungus pellifex et allij quam plures Datum jn domo sancti Floriani Anno domini MCCLXXIIII Indictione prima