Charter Document - 03980095
| Charter Number: | 03980095 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1270 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Ar dei gratia Prepositus et Conuentus Domus Sancti Floriani Ad noticiam vniuersorum tam presentium quam futurorum cupimus peruenire quod Albertus Miles cognomine Wolfstein Predium quoddam situm in Oberdorf et Predium situm in Ror iuxta Trunam contulit Ecclesie nostre pro remedio anime sue et Patris et Matris et vxoris sue et nos ipsius deuotionis precibus inclinati ex nunc erimus obligati ad hoc quod quicunque fratrum nostrorum pro tempore magister fuerit Infirmarie Missam in Capella sancti Ovdalrici Salmanslitin singulis diebus Dominicis celebrabit hoc excepto si aliquo die Dominico festum aliquod sollempne videlicet festum beate virginis aut festum Omnium sanctorum aut Commemoratio omnium Animarum contigerit celebrari illo die Dominico missa debita suspendetur et aliquo dierum eiusdem Septimane Missa subplebitur intercepta et hoc ideo fieri decreuimus ne fideles ibidem conuenientes ab Ecclesia Parrochiali summis festiuitatibus abstrabantur Idem etiam magister infirmarie ad dies dominicos duo festa Patroni et Dedicationis scilicet personaliter celebrabit et quidquid in oblationibus altaris perceperit suum erit Item Camerarius Ecclesie nostre quicunque pro tempore fuerit cuius Officine Predium dictum in Ror deputauimus Missam ad Sanctum Johannem in villa singulis secundis feriis celebrabit oblationes illius altaris hiis diebus etiam recepturus Semel etiam in anno anniuersarius predicti Alberti nec non parentum suorum seu vxoris sue cum vigilia Missa defunctorum celebrabitur cum conuentu sicut pro fratribus nostris defunctis vniuersaliter fieri consveuit et eodem die dictus magister Infirmarie seruiet Fratribus cuius officine Predium dictum in Oberndorf censuimus deputari Uolumus etiam ut si per aliquam obliuionem aut negligentiam non peregerimus prenotata ex tunc dictus Albertus uel cuicunque amicorum suorum conmiserit in futurum dicta predia detineat quousque neglecta queque uel oblita sicut promissum est omnimodis compleantur Et ut promissiones huiusmodi peragantur et in perpetuum maneant inmutate Presentem litteram in testimonium scribi fecimus ac Sigillorum istorum munimine subnotatis testibus roborari Quorum nomina sunt hec Chunradus Scriba anesi Rugerus dictus Prushinch Marquardus et Perhtoldus dicti preuhavin de Styra Ortolfus et Hainricus fratres de Ebersperch Wolfkangus de Wenbach Hainricus et Chunradus fratres de Hage Rugerus de Zaucha milites Heinricus de volchinst [orf] Ditmarus et Siuridus dicti Wolfstain Liutoldus de Walde Hainricus de Hage Otto et Albertus filii Alberti Wolfstein Werinhardus Murringer De Styra Duringus shecho Hiltprandus iudex De Claustro Hainricus et Ditmarus de Svainpach Datum et actum in domo S Floriani anno domini Millesimo CCLXX in vigilia beatorum apostolorum Phylippi et Jacobi