Charter Document - 03980086
| Charter Number: | 03980086 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1259 |
| Date type: | Internal, A.D. |
| Resource Link(s): |
Monasterium.net |
Charter:
O dei gratia Ecclesie Patauiensis Episcopus Dilecto in Christo fratri Ar venerabili preposito domus sancti Floriani salutem [] Cum sicut cognouimus procurationem domini Petri Caputii Cardinalis viginti marchas argenti uidelicet ad quam predecessores uestri se et Ecclesiam uestram obligarunt de rebus Ecclesie uestre habere non possitis ad presens nec tamen propter hoc solutio differri valeat quoquomodo Karitati uestre a sententiis domini pape et eiusdem domini Cardinalis quas in nos pro detentione dicte procurationis proferrent absque dubio cauere volentes Karitati uestre indulgemus auctoritate presentium litterarum ut prouentus siue prebendam Ecclesie sancti Michahelis in Wachawe quam dominus Gotfridus plebanus ibidem bone memorie habuit vobis vendere pro dictis XX marchis argenti liceat per Quinquenium ydoneo sacerdoti iure uestro et Ecclesie [domus] sancti Floriani nec non vniuersis conditionibus quas in dicta venditione statuendas duxeritis tamen saluis In cuius rei testimonium presentem litteram sigillo nostro fecimus communirj Datum in Mautarn anno Dominj MCCLVIIII VI Idus Februarij