Charter Document - 03980085

Nos O dei gratia Ecclesie Patauiensis Episcopus Hiis que per nos rationabiliter ordinata fuerint adhibere volentes scripture remedium pro cautela notum facimus vniuersis quod dum ad domum sancti Floriani venissemus in dominum S tunc prelatum eiusdem Ecclesie et fratres Conuentus ibidem ad inquisitionem quam indixeramus vrgentibus occasionibus sollempniter persequendam ut nostri officii debitum exigebat idem prelatus nolens eandem Ecclesiam grauare occasione huiusmodj laboribus et expensis libera voluntate in arbitros compromisit qui nobis mediantibus considerata prouide qualitate cause utriusque partis de nostra conuenientia cum pure ad pacem intenderemus Ecclesie arbitrarunt ut ad manus nostras et gratiam cederet prelature qui tandem in dictum consentiens arbitrium presertim cum ipsum esset graui pena vallatum pro nostre arbitrio voluntatis in facie totius Conuentus et in presentia multorum aliorum eidem cessit ad manus nostras et gratiam prelature Nos vero considerantes quod sperantibus et querentibus gratiam non sit gratie beneficium subtrahendum dictam cessionem gratam et ratam habentes eidem S Ecclesiam sancti Michahelis in Wachowe ad donationem prepositi quicunque pro tempore fuerit et Conuentus domus sancti Floriani iure plenissimo pertinentem de consensu et voluntate domini arnoldj substituti prepositi et Conuentus liberaliter et absolute assignauimus prouisionis gratia ea forma qua illa G plebanus ibidem bone memorie possidebat hoc duntaxat excepto quod prelato qui pro tempore fuerit reuerentiam debitam exhibebit et de dicta Ecclesia domino H Scribe Anasi IIII carrattas vini debebit soluere annuatim et quamdiu in illa residentiam fecerit personalem tenebit secum presbiterum quem sibi uiderit expedire Et si forte circa locum religiosum sui ordinis se deuotionis intuitu receperit tantum ad mensem predictam Ecclesiam officiarj faciat illa uice per ydoneum sacerdotem ita tamen ut debitis non fraudetur obsequiis et cum animarum in illa nullatenus negligatur Ad memoriam autem omnium premissorum et ut inuiolabiliter conseruentur statuimus ut si prepositus qui pro tempore fuerit aut quisquam ex fratribus premissam gratiam sine rationabili causa et nobis irrequisitis infregerint prelatus ab amministratione et officio suspensus frater prebenda et fratrvm consortio careat si hoc legitimis documentis coram nobis fuerit conprobatum ad hec si quod absit dictus S nomine venditionis obligationis seu infeudationis uel aliquo alio modo cuiuslibet alienationis Ecclesiam leserit memoratam penam quam sibi pro huius inflixerimus sustinebit dummodo ea prelata fuerint coram nobis et nos nichilominus decreuimus ex nunc venditiones seu alienationes huius carere robore firmitatis In quorum omnium testimonium et cautelam presentem litteram nostro et Conuentus predicti Sigillis fecimus communiri Datum in Ebelsperch anno domini Millesimo CCLVIII XIIII Kalend Januarii Pontificatus nostri anno quarto