Charter Document - 03980077
| Charter Number: | 03980077 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1254 |
| Date type: | Internal, A.D., Calendar |
| Resource Link(s): |
Monasterium.net |
Charter:
O dei gratia dominus regni Bohemie dux Austrie et Marchio morauie vniuersis hanc litteram inspecturis gratiam suam et omne bonum Veniens ad nos prepositus domus sancti Floriani suas nobis preces porrexit ut iura ecclesie sue sibi conseruare et renouare dignaremur cuius precibus fauorabiliter inclinati omnia iura ecclesie sue a predecessoribus nostris collata ipsi recognoscimus et renouamus uolentes ut uniuersa uictualia tam in uino quam in grano in nostro dominio tam in aqua quam in terra quocunque tempore transduxerint transeant libere sine muta precipientes uniuersis nostris iudicibus siue mutariis ut libertatem transitus ipsi ecclesie a nobis indultam nulla uiolencia infringere adtemptent Datum in Chrems Anno domini MCCLIIII XVII Kalendas maii