Charter Document - 03980070
| Charter Number: | 03980070 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis amen Hainricus de Puochaim humilis seruus omnium deo famulantium notum fieri volo omnibus presentibus et futuris quod ego elegi michi sepulturam apud sanctum Egidium in Veklapruke et talis contractus inter me et Haerdnidum eiusdem loci tunc temporis plebanum intercessit quod vbicunque locorum citra mare decederem ipse aut suus successor cum hominibus meis de Puochhaim me accedat corpus ad locum sepulture deportaturus Ecclesie eciam sancti Georii in Puchaim in nocturnis luminaribus deinceps ministrabit Ad executionem huius rei ne prefata ecclesia nimium laboribus et expensis grauetur de consilio fidelium et hominum meorum presente vxore mea et filio meo Alberone predictam ecclesiam prediis talibus dotaui Vineum in Wachaw in villa que Wesendorf vocatur villicacionem in Pucinperge item villicacionem in Mohse item predium unum in Ottenange Ad [ut] hec vero rata et inconuulsa permaneant presentis pagine inscripcione roboraui inpressioneque sigilli mei nec non prepositi sancti Floriani ad cuius ecclesiam sancti Egidii ecclesia inmediate spectare dinoscitur confirmaui Huius rei testes sunt dominus Chunradus de Aiche et fratres sui Haerdnidus et Ruodigerus Hainricus de Hollinge et filius suus Willehalmus Wernhardus de Oede Arbo de Winchlaren Tegin de Schalcheim Wernhart de Hueselperge et frater suus Wilhalmus Fridricus de Perntal Dietmarus Waesso Haertwicus de Romolunge Hainricus de Puche Wernhart Hiertte Helmwicus de Wenge Otto de Otinange et fratres sui Hainricus et Pero Wilchalmus de Otinange in cuius manu prefata predia sita sunt velut in registro Hec facta sunt anno ab incarnacione domini MCCXLII indictione XV XVII kalendas maii Datum in Puecham