Charter Document - 03980064
| Charter Number: | 03980064 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1237 |
| Date type: | Internal, A.D., Regnal |
| Resource Link(s): |
Reference Document for this Embedded Document Monasterium.net |
Charter:
In nomine sancte et indiuidue trinitatis Fridericus secundus diuina fauente clementia romanorum imperator semper augustus ierusalem et sicilie rex Imperialis tronus erigitur et augustalis honoris titulus decoratur cum ad loca religiosa consideratio benigna porrigitur et eorum status et comoditas ex liberali munificentia promouentur Ea propter notum fieri uolumus tam modernis quam posteris vniuersis fidelibus nostris quod nobis Wienne presentibus promouente domino feliciter nostri culminis incrementum et ducatibus Austrie et Styrie nostro dominio prospera sorte subactis venerabilis prepositus ecclesie sancti Floriani fidelis noster quoddam priuilegium dicte ecclesie tempore regni nostri clementer indultum nostre celsitudini presentauit suppliciter postulans quatinus idem priuilegium de nostra gratia innouare et ea que continentur in eo confirmare et conseruare de nostra clementia dignaremur cuius tenor est per omnia talis [] Nos igitur qui ad ampliandum ecclesiarum statum et religiosorum commoditates augendas pio fauore tenemur illius intuitu de cuius dispensatione prospere uiuimus et feliciter imperamus ipsius supplicationibus benignius inclinati priuilegium ipsum de uerbo ad uerbum presenti priuilegio inseri iussimus singula que continentur in eo liberaliter confirmantes mandantes etiam ut quod per quondam duces Austrie fieri et obseruari priuilegii tenor edixit nostro felici nomine et auctoritate seruetur Statuimus igitur et imperiali sancimus edicto quatinus nulla persona alta uel humilis ecclesiastica uel secularis predictum prepositum et ecclesiam nominatam super premissis ausu temerario contra presentis priuilegii nostri tenorem offendere uel molestare presumat Quod qui presumpserit centum libras auri puri conponat medietate fisco nostro reliqua dicte ecclesie persoluenda Vt autem hec nostra innouatio et confirmatio robur obtineant perpetue firmitatis presens priuilegium fieri iussimus maiestatis nostre sigillo munitum Huius rei testes sunt venerabilis Patriarcha Aquilegensis S Moguntinus [] Salzburgensis et [] Treuerensis archiepiscopi [] Pambergensis et [] Patauiensis episcopi S Ratisponensis episcopus imperialis aule cancellarius [] rex Boemie frater Hermannus venerabilis magister domus sancte Marie Theutonicorum in Jerusalem dux Bawarie [] dux Karinthie langrauius Turingie Gotfridus de Hohenloh Burcrauius de Nvoremberc et alii quam plures Signum domini Friderici secundi dei gratia invictissimi Romanorum imperatoris semper avgvsti Jervsalem et Sicilie regis Acta sunt hec anno dominice incarnationis millesimo ducentesimo tricesimo septimo mense Februario decima indictione imperante domino nostro Friderico secundo dei gratia inuictissimo Romanorum imperatore semper augusto Jerusalem et Sicilie rege anno imperii eius octauo decimo regni Jerusalem duodecimo regni uero Sicilie tricesimo octauo feliciter amen Datum Wienne anno mense et indictione prescriptis
Markups
Names Markup:
In nomine sancte et indiuidue trinitatis Fridericus secundus diuina fauente clementia romanorum imperator semper augustus ierusalem et sicilie rex Imperialis tronus erigitur et augustalis honoris titulus decoratur cum ad loca religiosa consideratio benigna porrigitur et eorum status et comoditas ex liberali munificentia promouentur Ea propter notum fieri uolumus tam modernis quam posteris vniuersis fidelibus nostris quod nobis Wienne presentibus promouente domino feliciter nostri culminis incrementum et ducatibus Austrie et Styrie nostro dominio prospera sorte subactis venerabilis prepositus ecclesie sancti Floriani fidelis noster quoddam priuilegium dicte ecclesie tempore regni nostri clementer indultum nostre celsitudini presentauit suppliciter postulans quatinus idem priuilegium de nostra gratia innouare et ea que continentur in eo confirmare et conseruare de nostra clementia dignaremur cuius tenor est per omnia talis []embed Nos igitur qui ad ampliandum ecclesiarum statum et religiosorum commoditates augendas pio fauore tenemur illius intuitu de cuius dispensatione prospere uiuimus et feliciter imperamus ipsius supplicationibus benignius inclinati priuilegium ipsum de uerbo ad uerbum presenti priuilegio inseri iussimus singula que continentur in eo liberaliter confirmantes mandantes etiam ut quod per quondam duces Austrie fieri et obseruari priuilegii tenor edixit nostro felici nomine et auctoritate seruetur Statuimus igitur et imperiali sancimus edicto quatinus nulla persona alta uel humilis ecclesiastica uel secularis predictum prepositum et ecclesiam nominatam super premissis ausu temerario contra presentis priuilegii nostri tenorem offendere uel molestare presumat Quod qui presumpserit centum libras auri puri conponat medietate fisco nostro reliqua dicte ecclesie persoluenda Vt autem hec nostra innouatio et confirmatio robur obtineant perpetue firmitatis presens priuilegium fieri iussimus maiestatis nostre sigillo munitum Huius rei testes sunt venerabilis Patriarcha Aquilegensis S Moguntinus [] Salzburgensis et [] Treuerensis archiepiscopi [] Pambergensis et [] Patauiensis episcopi S Ratisponensis episcopus imperialis aule cancellarius [] rex Boemie frater Hermannus venerabilis magister domus sancte Marie Theutonicorum in Jerusalem dux Bawarie [] dux Karinthie langrauius Turingie Gotfridus de Hohenloh Burcrauius de Nvoremberc et alii quam plures Signum domini Friderici secundi dei gratia invictissimi Romanorum imperatoris semper avgvsti Jervsalem et Sicilie regis Acta sunt hec anno dominice incarnationis millesimo ducentesimo tricesimo septimo mense Februario decima indictione imperante domino nostro Friderico secundo dei gratia inuictissimo Romanorum imperatore semper augusto Jerusalem et Sicilie rege anno imperii eius octauo decimo regni Jerusalem duodecimo regni uero Sicilie tricesimo octauo feliciter amen Datum Wienne anno mense et indictione prescriptis