Charter Document - 03980056
| Charter Number: | 03980056 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Judgement |
| Date: | 1222 |
| Date type: | Internal, A.D. |
| Resource Link(s): |
Monasterium.net |
Charter:
L dei gratia dux austrie ac stirie omnibus christi fidelibus Amen Vniversorum christi fidelium noticie presentium testimonio declaramus quod contentio que uertebatur inter prepositum de domo Sancti Floriani ex una parte et inter Agnetem filiam Heinrici de Brvnne viduam Ottonis de Ancinperge ex altera super quadam vinea et agris iuxta Ancinperge sitis in presentia nostra coram multis nobilibus et prvdentibus viris per amicabilem conpositionem taliter est sopita videlicet quod prepositus cum pleno consensu sui capituli iam dicte vidue predictam vineam et agros ad tempus vite sue concederet sub annua pensione LX denariorum in festo S Mychaelis persoluenda tali interposita condicione quod si vidua predicta statutam pensionem certo tempore persoluere negligeret ipsa teneretur preposito soluere bannum videlicet LX denarios qui tunc super vineam et agros computentur Vt autem talis conpositio in posterum firma et inconuulsa constaret prepositus vidue et vidua preposito super predictis literas testimoniales suis sigillis munitas traderet continentes nomina testium coram quibus predicta conpositio facta fuerit Nos igitur premissam conpositionem ratam habentes super eius confirmationem presentem paginam iussimus conscribi et sigilli nostri inpressione muniri Huius rei testes sunt Heinricus de Brvnne Rvodolfus de Potindorf Otto tvrs Hadmarus de Svnneberch Wichart de Arnstein Chvonrat de Arberch Hvgo tvrs Chvorat de Schoenneowe Otto de Perhtolstorf Meinhart de ynzinstorf Livtolt de hohinstovffe Otto de werde Volricus de Chirchlingen Uolricus de Radvne Dietricus et Goetfridus de Wienen Rvodolfus de ancinperge Heinricus [nagili] de ancinperge Fridericus [vultur] de wezmanstal Ernsto de hvntsheim Vlricus [puer] de chvnigisprvnne Ortolfus de acinbrvke Volricus filius eiusdem Ortolfi Wolfkerus purchgravius de Gors Goetfridus senior et Goetfridus ivnior de Preitenwidae Wido de wienen Helmwicus de Griezze Acta sunt hec in Wiena Anno ab incarnatione domini MCCXXII VII Idus Decembris apud Scotos