Charter Document - 03980053
| Charter Number: | 03980053 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
In nomine sancte et indiuidue trinitatis Vlricus patauiensis episcopus omnibus in perpetuum Pastoralis offitii debitum fideliter exequimur si cum erogatione spiritalis alimonie necessitatibus religiosorum uirorum ac pauperum christi paterna sollicitudine prouidentes indigentiam eorum temporalium subsidiis releuare studeamus Inherentes igitur uestigiis antecessorum nostrorum patauiensium episcoporum videlicet Ovdalrici Raeinberti Chvonradi Dyepoldi qui domum Sancti Floriani utpote suam dilectam filiam in spiritualibus pariter et temporalibus studiose promouerunt ac suis eam priuilegiis communiuerunt iustis fratrum eiusdem ecclesie inclinati precibus de consensu fratrum nostrorum confirmamus antedicte domui Sancti Floriani omnes donationes ab antecessoribus nostris Episcopis eidem legitime factas tam in collationibus priuilegiorum quam aliis iustis traditionibus Nominatim autem eidem domui confirmamus ecclesiam Sancti Mychaelis in Wachowe quam sancte memorie Chvonradus episcopus predecessor noster eidem domui cum omni genere contulit utilitatis et sicut ex ipsius patet priuilegio ex integro tradidit decernentes eandem ad prefatam domum pleno iure pertinere tam eiusdem nostri predecessoris traditione quam ex nostra nunc confirmatione ita quidem quod preposito qui pro tempore fuerit in sepe dicta domo Sancti floriani per unum de fratribus suis dicte ecclesie liceat prouidere et eundem quando placuerit amouere utiliore cum sibi uisum fuerit substituendo Et ut hec nostra confirmatio rata et inconuulsa in perpetuum permaneat hanc inde paginam conscribi et sigilli nostri inpressione iussimus communiri Quicunque igitur tam [pro eam] temerario ausu infringere temptauerit omnipotentis dei indignationem se nouerit incursurum et eterne maledictioni addictum cum Dathan et Abyron quos terra uiuos absorbuit portionem habiturum Ego Rvdegerus Chymensis Episcopus + Ego Otto decanus + Ego Hartnidus prepositus + Ego Chalhohus + Ego Hainricus quondam decanus + Ego Sifridus orphanus + Ego Heinricus de Petenbach archydiaconus + Ego Heinricus de Witen archidyaconus + Ego Chunradus Tvmplebanus + Ego Gebhardns comes + Ego Chunradus custos + Ego Chunradus de S Valentino + Ego Chrafto + Ego Willehalmus cantor + Ego Engilpoldus + Ego Albertus + Ego Eberhardus de Johansdorf + Ego Eberhardus de Fvhtenbach + Data Patauie in Capitulo III Kalend Augusti Anno pontificatus nostri VI