Charter Document - 03980042
| Charter Number: | 03980042 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Ego Ruodgerus abbas de poumgartenberge et nos eiusdem ecclesie fratres per huius pagine scriptum tam presentium quam futurorum memorie conmendamus qualiter nos unanimi congregationis nostre assensu ut finis imponeretur controuersie que uertebatur inter nos et ecclesiam nostram et inter dominum Ottonem prepositum de domo sancti floriani fratresque suos et ecclesiam ipsorum super quibusdam prediis in harde in quibus ius habere uidebantur in arbitros scilicet dominum Wernherum de sancta cruce et Wecelonem in Kotewico et Hadmarum de gersten abbates premissa stipulatione ducentarum librarum compromisimus In hos etiam predictos de domo sancti floriani prepositus cum suis fratribus compromiserat Illi uero prudentum uirorum consilio tali arbitrio litem deciderunt quod prepositus et fratres de domo sancti floriani abrenuntiauerunt tam instrumentis quam testibus et omni iuri quod in predictis prediis petebant et nos uersa uice ipsis et ecclesie ipsorum mansum unum in Luncwiz a dietmaro colono tunc possessum manu potestatiua et per manum aduocati scilicet Ulrici de marbach qui presens erat tradidimus nec non aduocatiam cum omni iure suo per concambium unius curtiloci in ahwinden unde pisces nobis soluebantur et alterius curtiloci in cirtnaren exemptam libera donatione et abrenuntiatione iam dicti Ulrici proprietarie ipsis contulimus Addidimus etiam ipsis ecclesiam sancti Wenezlai in parrochia ipsorum wartperc sitam cum dote et omnibus suis attinentiis Insuper prediolum quoddam in ahwinden situm et mancipium scilicet hildburgim filiam heinrici rufi uxorem Uolscalci qui de familia ipsorum fuit ea potestate qua predicta ipsis contulimus et in manus eorum nec non arbitrorum hiis omnibus abrenuntiauimus et ut hec ab aduocatis et fundatoribus utriusque ecclesie ratificarentur utraque pars a suo aduocato ac fundatore fide data arbitris et sub cautione pretaxate pecunie promisit impetrare Vt autem hec rata et inconuulsa permaneant sigilli nostri impressione roboramus Insuper nos arbitri predicti quod hec ita acta sint et quod imperpetuum irrefragabiliter debeant obseruari sigillorum nostrorum adpositione protestamur Huius actionis testes sunt Marquardus abbas de zwetel Okerus abbas de lienenuelt Steuin abbas de glvnic qui erant assessores arbitrorum Insuper alii testes Ortolfus de uolkenstorf Ulricus de marbach Heinricus de mitterkirchen Gotscalcus de erbingen Gumpoldus Marquardus de mitterberc Ruodolfus de rustorf Otto de mitterkirchen Dieprandus Dietricus welhil Heinricus de celle Reibot mvesel Kuonrat geuman Kuonrat hirtel Ulricus ualboc Kalhoch de cirtnaren Meingoz de riede Ego Rvdigerus abbas subscribo Ego Chvonradus prior subscribo Ego Sifridus subscribo Ego Herwicus subscribo Ego Vlscalcus subscribo Ego Chvnradus subscribo Ego Ditmarus subscribo Ego Willhalmus subscribo Ego Lvdwicus subscribo Ego Albertus subscribo Ego Wernhardus subscribo Ego Kristanus subscribo Ego Hermannus subscribo Ego Chunradus subscribo Ego Albertus subscribo Ego Erchinbertus subscribo Ego Reinhardus subscribo Ego Heinricus subscribo Ego Heinricus subscribo Ego Ditmarus subscribo Ego Rvdigerus subscribo Ego Ditricus subscribo Ego Leo subscribo Acta sunt hec muthusen Anno domini MCCVIII Indictione XI XIIII Kalendas Novembris