Charter Document - 03980040
| Charter Number: | 03980040 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1203 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue trinitatis Liupoldus Dei gratia Dux Austrie et Stirie Anteriorum nostrorum pia facta debita recordatione commendantes ad uniuersorum memoriam reducimus qualiter Adrammus de perge aduocatus quondam domus sancti Floriani pro remedio anime sue et petitione Ditmari prepositi resignauit in manus Reinberti episcopi patauiensis iusticias aduocatie scilicet placita bannos et steuras et precipue oblationes rusticorum et pernoctationes Huius autem iuris resignationem prefatus episcopus Reinbertus eidem ecclesie tradidit firmauit et recognouit Quoniam uero in diebus nostris super eisdem aduocatie iusticiis predicta ecclesia a quibusdam grauari videtur nos qui eiusdem ecclesie sumus aduocati et ipsius iura et priuilegia ei tenemur defendere ad petitionem Ottonis prepositi et fratrum eiusdem loci easdem aduocatie iusticias pro remedio anime nostre eidem ecclesie concedimus et indulgemus Annuentes igitur prefati episcopi reinberti super eadem concessione priuilegio et nostrum donantes statuimus ut nulli uicariorum nostrorum in eadem aduocatia liceat aut bannos aut placita aut absolutiones uel aliquid supradictarum exactionum accipere preter quod ei a preposito eiusdem loci pro labore suo fuerit indultum si quando ad placita sua eum inuitauerit Vt autem hec nostri priuilegii concessio rata et firma permaneat inposterum sigilli nostri eam inpressione signamus et subscriptis testibus confirmamus Rapoto de valchenberch Wichart de Zebignen Hugo de molansdorf Heinrich de brunne Vlrich de pecca Erchinger de landesere Chalhoch de mulbach Wichardus dapifer Rudolf de potendorf Albertus et frater eius Hugo de trutmarstorf Wernhardus svn et frater eius Liutwinus de birboum Ditricus stuhs Adloldus dapifer Livpoldus pincerna Hadmar de chunringen Otacherus prevhaun Acta sunt hec in mutarn per manus danielis notarii Anno incarnationis domini MCCIII