Charter Document - 03980038

In nomine sancte et indiuidue trinitatis leopoldus dei gratia dux austrie ac stirie omnibus christi fidelibus in perpetuum Quoniam mundanis occupationibus nos in diuersa trahentibus minus ad ea que ad animarum salutem spectant possumus intendere meritorium nobis esse credimus si uiros religiosos diuinis laudibus iugiter insistentes in suis necessitatibus pietatis amore confoueamus ac de habundantia nostra illorum indigentiam liberaliter suppleamus Antecessorum igitur nostrorum uestigiis inherentes ecclesiam que domus sancti floriani dicitur in nostram specialem gratiam recipientes fratribus ibidem deo seruientibus quasdam iusticias nostri iuris marchfvter dictas de prediis ipsorum in Riedmarchia habitis et habendis persoluendas de fauore et consensu ministerialium et fidelium nostrorum munifice remittimus in usus fratrum eorundem amodo in antea conuertendas quatinus ipsi bonorum omnium largitori deo pro salute animarum nostrarum et parentum ac filiorum nostrorum et pro honoris nostri promotione preces suas deuote offerant nos diuine miserationi conmendantes ut eorum orationibus adiuuemur quibus nostra temporalia largimur Vt autem hec deuotionis nostre donatio futuris temporibus rata et inconuulsa permaneat hanc inde paginam conscribi et sigilli nostri inpressione iussimus conmuniri Huius rei testes sunt Dietricus comes de viehtinsteine Volricus comes de Chlamme Odalricus de Perneke Uvernhardus de shomberch Cholo de Griezpach Wichart dapifer Hadimar de Chvnringen Heinricus de Prunne Volricus de Marbach Heinricus de vttirstetin Heinricus de Hage Livtoldus dapifer de chomberch Heinricus taesshil de waessinberch Data in aneso Anno ab incarnatione domini MCCI Indictione V X Kalendas Nouembris