Charter Document - 03980033

In nomine sancte et indiuidue trinitatis Diebaldus diuina fauente clementia patauiensis episcopus cunctis christi fidelibus tam futuris quam presentibus salutem in domino perpetuam Diuinis instruimur monitis et apostolicis incitamur exemplis ut necessitatibus pauperum christi pro modulo nostro subveniamus et temporalibus subsidiis eterne retributionis premia conquiramus Quod nos adtentius considerantes et tam nostre miserie quam ipsorum indigentie consulentes nostra auctoritate roboramus et in perpetuum confirmamus quod antecessores nostri episcopi uiri sanctissimi presul Reinbertus verus pontifex et episcopus Chvonradus propugnator ecclesiarum dei instinctu diuino et apostolico muniti priuilegio fecisse dinoscuntur Hospitale siquidem in Vechelahebrucke a quodam Pilgrimo nobili uiro deo deuoto de scalcheim initiatum et suis redditibus sicut in priuilegiis antiquioribus accepimus accumulatvm adiacentis parrochie que dicitur Scvoendorf omnimodis utilitatibus adiuuare et promouere curauimus nostra uolentes que nos spectabat in eadem ecclesia carere annuali iusticia et eidem hospitali integraliter cuncta prouenire que prefata parrochia dinoscitur posse persoluere ob amorem sancti Egidii confessoris christi in cuius honore capella ibidem a prefato Pilgrimo constructa est Prouida ergo consideratione in futurum precauentes ne res diuinis obsequiis deputate et usibus pauperum christi illic expetentium adtribute vana distractione prouisorum ut fieri solet dilabantur statuimus et nostra auctoritate perpetualiter firmamus quatenus domnus Engelbertus venerabilis prepositus S Floriani Martyris christi cuius diligentia et instanti industria hoc priuilegium conquisitum est eiusque successores prefatum hospitale in sua dispositione et ordinatione totaliter habeant et ne quicquam illic perperam uel usurpatione cuiuslibet persone uel simulate religionis specie de cetero fieri possit nostra freti auctoritate prouideant inutiles personas amouendo et pro suo arbitrio idoneas et eidem officio congruas instituendo Et ne de cetero quisquam successorum nostrorum possit infringere nostre donationis et huius priuilegii nostri rationabilem concessionem que non solum nunc a nobis verum etiam ab antecessoribus nostris deo et hominibus dilectis episcopis [] memorauimus stabilita est sigilli nostri inpressione iussimus insigniri presentis pagine testificationem quatenus cum eisdem patribus nostris percipere mereamur portionem Si quis uero temerario ausu quod absit prefatum hospitale diruere diminuere distrahere quolibet ingenio uel machinatione temptauerit et res pauperum illic recipiendorum dissipauerit et inutiliter consumpserit nouerit se diuina feriendum ultione et districti examinis non euadere nisi resipuerit animaduersionem Quicumque uero largitate munerum suorum prediorum mancipiorum seu quolibet genere elemosinarum eidem xenodochio pro amore christi et honore S Egidii confessoris christi subuenerit a domino bonorum omnium remuneratore perpetue retributionis premia indubitanter recipiet et cum exultatione manipulos laborum suorum in fine metet Acta sunt hec anno ab incarnatione domini iesu christi millesimo centesimo LXXXIII Indictione VI XII Kalendas augusti Data eodem die patavie super chorum Ego fridericus decanus + Ego heinricus de ahusen prepositus de matse + Ego Volricus prepositus de ardacher + Ego Purchardus de Chambe + Ego Heinricus scolasticus + Ego Fridericus de sancto sixto + Ego Wolfker prepositus de munster + Ego Wernherus scriba + Ego Rempoto de porrenheim + Ego Taegno + Ego Meingotus de ibenperch Ego Willehalmus de tekkendorf Ego Rvogerus de ahamen + Ego Meinhalmus tuomplebanus + Ego Rovdegerus de lauffe + Ego Heinricus de gruonenburch + Ego Chuonradus plebanus de sirnich +