Charter Document - 03980031
| Charter Number: | 03980031 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1162 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis chovnradus dei gratia patauiensis episcopus omnibus christi fidelibus salutem in perpetuum Cum sollicitudo communis episcoporum religiosos uiros et res ad eos pertinentes manutenere debeat et ab iniquorum hominum impugnatione defensare iustum est et rationabile ut presertim caueant ne aliquis de suis presumat pauperes christi in aliquo disturbare molestare aut adgrauare Inde est quod nos querimoniam dilecti fratris nostri Heinrici Sancti floriani prepositi et fratrum suorum super incommoditatibus et dampno a domo nostra Ebelsperch colonis suis frequenter irrogato sopire cupientes inito et conmunicato consilio concanonicorum nostrorum de choro Sancti Stephani ceterorumque fidelium nostrorum in hoc conuenimus quod plebesanam ecclesiam Sancti Michahelis in austria iuxta danubium in Uvachovwe cum omnibus suis pertinentiis et appenditiis terminis antiquitus preflxis et assignatis decimationibus cultis et incultis in omni genere utilitatis ad prebendam et in usus fratrum regularium de domo Sancti floriani tradidimus et ab ipsis econuerso quatuordecim mansos castro nostro adiacentes et contiguos in inferiori Uvaeninpach Sex jn superiori duos et dimidium jn holzheimen dimidium juxta trunam superius Goteschalchingen tres Trunarerdorf unum apud Ciegelhouenen unum recepimus in quibus a nostris precipue distractiones rerum et delapidationes patiebantur et unde clamores rusticorum sepius personabant et audiebantur Ut hoc factum utrobique ratum et inconuulsum in perpetuum permaneat presentis pagine scripto confirmamus ne alicui successorum nostrorum liceat inmutare disturbare transfundere aut aliquibus inductionibus refricare auctoritate omnipotentis dei patris et filii eius domini nostri iesu christi et spiritus sancti qui ab utroque procedit roboramus Si quis autem id aliquo modo vel malo ingenio infirmare aut retractare adtemptauerit iram et indignationem iusti iudicis incurrat et in extremo examine cum impiis deputetur et in egressu a substantia nisi resipiscat corpore et sanguine christi careat Acta sunt hec Anno ab jncarnatione Domini Nostri jesu christi Millesimo Centesimo LXII Indictione Decima Kalendis Decembris Data Eadem die Chremsmunstiure Ego Chovnradus Episcopus + Ego Rovdbertus Decanus + Ego Albwinus Prepositus + Ego Chovnilinus Archipresbiter + Ego Sigehardus + Ego Otto De Riede + Ego Albertus Custos + Ego Fridericus + Ego Jacobus + Ego Otto Capellanus + Ego Heinricus Magister + Ego Ovdalricus Prepositus +