Charter Document - 03980029
| Charter Number: | 03980029 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1159 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Chovnradus dei gratia patauiensis episcopus cunctis ecclesie sue christique fidelibus salutem in perpetuum Circa loca diuinis obsequiis mancipata decet nos ecclesiarum pastores eam intendere sollicitudinem ut et ad presens eis proficiamus et in futurum contra duriciam et obliuionem hominum duo adiuuante prouideamus quatenus et futuri homines per literarum monimenta pias antecessorum actiones cognoscant et aperte ueritati si qui attemptauerint rerum ecclesiasticarum esse distractores acquiescant Inde est quod cum uir quidam ingenuus animo et corpore deo deuotus nomine Pilgrimus se et locum qui dicitur beati Egidii in possessione sua in Vechelahebruke fundatum legitima traditione deo sanctoque suo prothomartyri Stephano per manum Regenberti felicis episcopi mancipasset nos ut in eodem locello per elemosinas pauperum per diurnos cursus fratrum si qui ibi recipi possent et sustentari diuinum conualesceret obsequium communicato de choro fratrum nostrorum consilio domino Heinrico tunc temporis in domo S Floriani venerabili preposito eundem locum in spiritualibus simul et temporalibus regulariter ordinandum hoc pacto et intentione commendauimus ut nostra nobis nostrisque successoribus episcopis sua iusticia conseruata predictus venerabilis prepositus suique successores illud idem diuersorium cum suis fratribus seruis et incolis attinentiis omnibus collatis et conferendis in his que sunt ad deum debeant sub obedientia sua iugiter ordinare Quod ut fieret notum et ratum haberetur in futuro tempore presentem paginam inde conscribi et nostro sygillo ut euidens est infra iussimus communiri Acta sunt hec Patavie Anno post incarnationem dominicam MCLIX Indictione VII anno uero episcopatus nostri XIII + [] Ego Chovnradus episcopus Laudo et + Ego Rovdbertus decanus laudo et + Ego Rovdbertus senior laudo et subscribo Ego Chovnelinus laudo et + Ego Albwinus laudo et + Ego Sighardus laudo et + Ego Adalbertus laudo et + Ego Dietricus laudo et + Ego Fridericus laudo et + Ego Ekkehardus laudo et + Ego Heinricus magister scolarum laudo et subscribo Ego Otto I et +