Charter Document - 03980009

In nomine sancte et indiuidue trinitatis Vodalricus dei gratia sacrosancte patauiensis ecclesie episcopus cunctis successoribus suis et omnibus christi fidelibus in perpetuum Pastoralis dignitatis sollicitudo nos admonet et inuitat omnium christi ecclesiarum utilitatibus tam prouide tam sollicite inuigilare ut non solum presenti sed et future quieti et securitati ipsarum iugiter intendentes eas contra omnium ipsis aduersantium malignitates omni qua possumus cautione diligentissime premunire studeamus Hinc est quod ecclesiam beati Floriani martyris christi in pago Lauriacensi iuxta riuulum qui Ipha uocatur ab antiquissimis terre illius incolis quondam fundatam sed postmodum continua barbarorum inuasione destructam tandem uero ab antecessoribus nostris episcopis Eigilberto uidelicet et Altmanno in pristinum statum religionis plene reformatam nos quoque uestigiis nunc ipsorum inherendo ipsam in defensionem nostram susceptam contra quorundam hominum quieti ecclesiarum inuidentium iniquas machinationes aliquatenus premunire uolentes possessiones omnes quas uel ab antecessoribus nostris uel etiam ab aliis christi fidelibus in subsidium fratrum ibidem deo famulantium collatas iam dudum priuilegio nostro confirmauimus nunc denuo nominatim sed compendiose huic scripto adnotare et sic tandem pro iure ipsas possidere debeant presenti scripto duximus confirmare Possessiones igitur quas fratres predicti cenobii iam nunc undecumque collatas possident sunt hec Parrochia in qua ipsum beati floriani martyris monasterium fundatum est et in omnibus ipsius parrochie terminis tam cultis quam colendis decima tota et indiuisa preter triginta sex domos Villa in qua ipsum monasterium situm est cum omnibus ad eam pertinentibus agris scilicet et uinetis pascuis pratis siluis aquis aquarumque decursibus piscationibus uenationibus et molendinis Almsuelt uilla tota cum omnibus ad eam pertinentibus agris scilicet et pascuis pratis siluis et due partes decimationis in omnibus ipsius parrochie terminis tam cultis quam colendis Ad Svnilburch mansus unus et dimidius et due partes decimationis Curia in Phaffenhouin cum omnibus ad eam pertinentibus Ad Waelhelingen mansus unus Ad vrienlivtin mansus unus et dimidius Curia ad Enzingen Curia ad Lilinhouin cum omnibus ad eam pertinentibus Curia ad sanctum Stephanum iuxta waeninpach cum omnibus ad eam pertinentibus Curia ad Gerlantingen cum omnibus ad eam pertinentibus Ad Goemerichingen duo mansi et dimidius Ad Ebilsperch duo mansi et dimidius Ad Strummingen Augea cum omnibus ad eam pertinentibus Viginti tres decime portarie in diuersis parrochiis site Ad Amistetin una Ad Stevensharde una Ad aspach una Ad Glunich una Ad Sibenbach una Ad Oftheringen una Ad Geroltstorf una Ad Heresingen una Ad Tenin due Ad Terinbach una Ad Livntingen una Ad Lintze una Ad Chirchdorf una Ad Rvte una Ad Meirstorf una Ad Horbach una Ad Tabirsheim una Ad Pulgarn una Ad Luffenberch una Ad Riede una Ad Mitterchirchen una Ad Sachsinchirchen una et decima uini tota in duabus parrochiis Lintze et Tabirsheim Predium quoque domni Epponis in Windiperge cum omnibus eius adtinentiis aquis scilicet et pratis pascuis et siluis que usque ad terminos boemie protenduntur ad fluuium qui Wultha uocatur et in ipso predio tres ecclesie parrochiales cella uidelicet S Marie in Waltchirchen et decima una Ecclesia S Petri apostoli cum decima una Ecclesia S Johannis cum una decima Ecclesia in Munnichspach cum una decima Ecclesia in Wartperch cum una decima et alia quam plura prediola que tediosum esset priuilegiis adnotari Possessionibus igitur omnibus nominetenus designatis nunc pro iure fratres supradicti monasterii iam nunc sibi collatis nec non et postmodum iuste et legaliter sibi conferendis frui debeant presenti scripto confirmatum omnium successorum nostrorum et omnium christi fidelium memorie firmiter commendamus Primum quod et maximum est parrochiam in qua ipsum beati floriani monasterium fundatum est ipsis prius quidem ab antecessoribus nostris pleno iure collatam nunc et nos in eodem iure ipsis perpetuo possidendam confirmamus auctoritate dei omnipotentis firmiter inhibentes ut nullus successorum nostrorum ipsos uel secularem clericum uel etiam de fratribus unum iam dicta parrochia inuestiendum representare sibi compellat sed ipsius monasterii prelatus eam uni de confratribus suis quem ad hoc ydoneum inuenerit committat qui et plebem in diuinis procurare non negligat et in singulis diebus et ad refectorium et ad dormitorium suum redire non omittat quem etiam si pro tempore negligentem inuenerit mutet alterum substituendo et hoc faciat quandocunque uiderit expedire et episcopo et archydiacono et eorum decano inconsultis et irrequisitis Decernimus etiam et iure perpetuo confirmamus ut supradicti monasterii prelatus cellam S Marie in Waltchirchen que conuentualis ecclesia esse debet uni de confratribus suis uiro tamen discreto et religioso committat adiunctis sibi duobus uel tribus de collegio suo uiris religiosis qui et plebem parrochialem in diuinis et adiunctos sibi fratres cum familia competenti de prouentibus dotis et decimarum ipsius cellule tam prouide procuret ut si quid residui super necessaria domus annuatim ualeat colligere totum illud in utilitatem domus S Floriani fideliter studeat redigere Reliquis autem parrochiis quandocunque uacauerint seculares clericos ipse prelatus domus S Floriani pleno iure inuestiat nullum super cum animarum recipienda uel episcopo uel archydiacono representans In omnibus enim ecclesiis ad monasterium prefati martyris spectantibus donum altaris prelato ipsius monasterii in ipsa sui confirmatione una cum prelatura debere conferri sicut ab antecessoribus nostris statutum est nos quoque confirmamus In aliis autem possessionibus decimis scilicet prediis agris uinetis talem iusticiam et libertatem sepe dicto monasterio donamus et confirmamus ut ipsius monasterii prelatus plenam in eis habeat potestatem cum consilio tamen fratrum suorum dandi uendendi precariandi commutandi in omnem utilitatem sicut commodius sibi et ecclesie uiderit expedire non obstante nec factum suum impediente uel episcopi patauiensis uel ipsius etiam quem pro tempore sibi elegerit aduocatum contradictione Vt ergo hec nostre institutionis et confirmationis iura rata et perpetuo ab omnibus seruari debeant inconuulsa presentem paginam sigilli nostri inpressione consignamus auctoritate dei omnipotentis sub pena eterne dampnationis firmiter inhibentes ut nullus successorum nostrorum nec alter quispiam hanc nostre institutionis formam uel infringere presumat aliquatenus uel infirmare Si autem quispiam successorum nostrorum quod deus auertat eam temere postmodum infringere uel infirmare presumpserit si tercio commonitus resipiscere noluerit prepositus ipsius monasterii hoc utens priuilegio super tanta iniuria querimoniam coram domino papa deponat ut ipse super hoc quod iustum fuerit decernat Si ergo super hoc quod forte fieri potest indignatus dominus papa predictum monasterium a iurisdictione patauiensis ecclesie in iurisdictionem et defensionem romane sedis transferat deus omnium iniquitatum uindex iustus dispendium tanti honoris ab auctore ipsius mali requirat in euum Amen Data Patauie Anno ab incarnatione domini MCXIII Indictione IIII VI kalend Julii Regnante Heinrico imperatore huius nominis V Anno regni eius X Imperii uero III feliciter Amen