Charter Document - 03980008

In nomine sancte et indiuidue trinitatis Vdalricus dei gratia sacrosancte patauiensis ecclesie episcopus cunctis successoribus suis et omnibus christi fidelibus in perpetuum Pastoralis sollicitudo et episcopalis circumspectio pro nostri officii debito admonet immo cogit nos filiorum nostrorum quieti et securitati tam future quam presenti prouidere sed enixius et adtentius eorum tuicioni insudare qui diuinis cultibus diu noctuque familiarius atque deuotius noscuntur uacare Quapropter fili karissime Isinberte qui monasterio beate Marie uirginis et preciosi christi martyris Floriani presidere cognosceris tibi tuisque fratribus et per uos cunctis successoribus uestris manum nostre defensionis contra omnes aduersantium infestastaciones extendere curamus quatinus deo tanto liberius pro peccantiuni erratibus supplicetis quanto nostre auctoritatis protectione ab adversariorum incursibus muniti existitis Decernimus atque statuimns ut bona omnia que prefatum monasteriurn liberalitate nostrorurn predecessorum seu aliorum christi fidelium nostra etiam donatione uel in presenti possidet uel in futuro iuste ac legaliter poterit adipisci uobis uestrisque successoribus profutura firma et illibata permaneant eo scilicet tenore ut communem et apostolicam uitam agentes nichil priuatis proprietatibus uendicetis sed a prelatis dispensanda prout rerum necessitas et utilitas et ecclesie facultas postulat communiter perfruenda possideatis et ecclesie Patauiensi familiarius atque deuotius subesse debeatis Licet enim plurima beato christi martyri floriano in ipsa prima fundatione sui monasterii fuerint collata omnibus tamen postmodum in destructione ipsius monasterii distractis fratribus tunc temporis ibidem deo militantibus tantum hec paucissima remanserunt Villa scilicet in qua ipsum monasterium fundatum est cum omnibus ad eam pertinentibus agris scilicet et uinetis pascuis pratis siluis aquis aquarumque decursibus piscationibus uenationibus et molendinis Ad waehelingen mansus unus et dimidius Ad vrienliutin mansus unus et dimidius Curia in Phaffenhouin cum omnibus ad eam pertinentibus Curia in Lilinhouin cum omnibus suis pertinentiis Curia in Gerlantingen cum omnibus ad eam pertinentibus Ad Goemerichingen duo mansi et dimidius cum omnibus illuc pertinentibus agris siluis pratis et pascuis Antecessores itaque nostri pie recordationis episcopi Eigilbertus scilicet et Altmannus desolationem iam dicti monasterii miserati ipsum tandem spiritu sancto inducti nec non et de beati floriani martyris suffragio quam plurimum confisi in prestinum statum religionis reformarunt quasdam episcopatus nostri proprietates in subsidium prebende fratrum ibidem deo famulantium conferrendo Parrochiam uidelicet in qua ipsum prefati martyris monasterium situm est et in omnibus terminis ipsius parrochie tam cultis quam colendis decima tota et indiuisa exceptis triginta sex domibus Almisuelt uillam totam cum omnibus ad eam pertinentibus transitu scilicet fluminis Trvne et piscationibus pratis pascuis siluis et duas partes decimationis in omnibus terminis eiusdem ecclesie tam cultis quam colendis Ad Svnilburch mansum unum et dimidium et duas partes decimationis Curiam in Enzingen Curiam ad sanctum Stephanum iuxta waeninpach cum omnibus suis pertinentiis Ad Ebilisperch duos mansus et dimidium Ad Strummingen augeam cum omnibus ad eam pertinentibus Nos itaque talem antecessorum nostrorum donationem ratam habentes et presenti priuilegio confirmantes quedam etiam licet pauca in subsidium prebende fratrum ecclesie iam dicti martyris contulimus Viginti scilicet tres decimas portarias in diuersis parrochiis distinctas Ad amistetin unam decimam Ad Stevensharde decimam unam Ad aspach unam Ad Glunich unam Ad Sibenbach unam Ad Oftheringen unam Ad Geroldistorf unam Ad Heresingen unam Ad Tenin duas Ad Terinpach unam Ad Liuntingen unam Ad Lintze unam Ad Chirchdorf unam Ad Rute unam Ad Meirstorf unam Ad Horbach unam Ad Tabirsheim unam Ad Pulgarn unam Ad Luffenberch unam Ad Riede unam Ad Mittirchirchen unam Ad Sahsinchirchen unam et decimam uini totam in duabus parrochiis Tabirsheim et Lintze et ad Assha tres uineas in sacrificium altarium ipsius monasterii contulimus Cetera que secuntur alii fideles christi spe diuine remunerationis fratribus supradicti monasterii contulerunt inter quos maximum et precipuum deo munus offerens Eppo quidam nobilis et religiosus homo de Windiberge omnia predia sua que possedit tam hereditaria quam aquisita tam culta quam colenda cum omni utilitate cum agris scilicet et pratis pascuis piscationibus et uenationibus et siluis que protenduntur usque ad fluuium qui Wultha uocatur potestatiua manu super altare beati floriani tradidit Preterea idem Eppo tres ecclesias parrochiales in eodem predio sitas ecclesiam scilicet sancte Marie in Waltchirchen et ecclesiam sancti Petri et ecclesiam sancti Johannis una cum ipso predio iam dicto monasterio donauit Decimas quoque earumdem ecclesiarum quas de manu nostra in beneficio habuit ea condicione nobis resignauit ut ipsas prefato monasterio conferremus quod et ad peticionem ipsius fecimus et sic tandem prenominatus Eppo donationem prediorum et ecclesiarum priuilegio Heinrici imperatoris huius nominis quinti confirmari impetrauit Preterea quidam nobilis homo Fridericus nomine ecclesiam in Munichspach cum dote ipsius ecclesie sepe dicto monasterio tradidit Quidam etiam nobilis homo Sighardus nomine ecclesiam in Wartperch cum dote eidem monasterio contulit Decimam uero eiusdem ecclesie quam a nobis in beneficio habuit ea nobis condicione resignauit ut ipsam antedicto monasterio conferremus quod et ad peticionem ipsius fecimus Rudolfus quidam homo nobilis de Perge quatuor predia in Trungav et rogatu cuiusdam Wilbirgis predium in Poesinbach super altare beati floriani tradidit Pertholdus quidam homo nobilis hubam in Austin et quidam Geroldus mansum unum et dimidium in Geilspach Quidam Noppo nobilis homo predium in Heresingen quidam Ozo et Hatto mansum in Goldinstorf Quidam Izo et uxor sua Willa duos mansos in Stadelen Quidam Ruthart et frater suus Gotto mansum unum in Nezzilbach et alii fideles christi quam plures predia sua ipsi beato christi martyri contulerunt que tediosum esset priuilegiis annotari Nos tamen omnes possessiones ipsius monasterii et tam collatas et quas adhuc deo dante poterit adipisci in dei omnipotentis et nostram protectionem suscipientes talem tibi frater Isinberte et fratribus tuis uestrisque successoribus indulgentiam facere decreuimus ut si ministeriales nostri seu quicunque homines ecclesie nostre predia sua ad nos quocunque iure spectantia uobis conferre decreuerint liberam habeant potestatem conferendi quando et ubi uelint Preterea liberam uobis sepulturam indulgemus ita ut quicunque apud uos sepeliri uoluerit libere non obstante alicuius plebani uel uicarii contradictione sepeliatur Adicientes quoque hanc libertatem uobis indulgemus ut si quando prelatum monasterii uiam uniuerse carnis ingredi contigerit uos et successores uestri liberam habeatis potestatem eligendi alium quem magis ydoneum et utilem inueneritis episcopo etiam irrequisito Volumus etiam et quasi pro lege semper tenendum statuimus ut nullus successorum nostrorum uel alter quispiam siue ecclesiastica siue secularis persona aliquem uobis aduocatum uel in hominibus uel in prediis uestris aliquatenus presumat ordinare nisi quem prelatus ecclesie cum consilio fratrum sibi elegerit aduocatum hoc adicientes ut si forsitan et is postmodum ut plerumque fieri solet grauis uobis et iniuriosus exstiterit dum admonitus emendari noluerit ad arbitrium ipsius prelati ab episcopo uel si episcopus noluerit a sede romana mutetur altero ad peticionem ipsius prelati substituto Ut igitur hec omnia rata firma et inconuulsa uestris successorumque uestrorum usibus permaneant iudicio dei patris omnipotentis et filii et spiritus sancti interdicimus ne quis successorum nostrorum aut aliqua ecclesiastica uel secularis persona hec temere inuadere minuere uel auferre presumat sed usibus fratrum in una societate apostolica inibi uestigia seruantium per manus dispensatorum conseruentur fideliter offerenda Si quis ergo huius preceptionis nostre paginam sciens contra eam temere uenire et eorum quid auferre presumpserit si tercio commonitus congrua satisfactione non emendauerit iram dei perpessurum et eum Juda pessimo mercatore partem habiturum se recognoscat Conseruantibus autem pax et misericordia a deo patre et domino nostro iesu christo Amen Et ut hec ad futura quoque tempora indubia perueniant presentem Kartam nostre ymaginis impressione sigillatam huius confirmationis uadem testemque relinquimus Acta sunt hec consilio et consensu tam kathedralium quam ministerialium nostrorum quorum nomina presenti scripto sunt annotata Ulricus maior prepositus Imbertus decanus Baldwinus scolasticus Engilbertus archydiaconus Imbertus capellanus Heinricus Fridericus Almarus Hugo Egino Otaker canonici Hartwich de Chraenzingen Porno de Holtzhusin Hartmut pincerna Sibot dapifer Egilolf de velbach Imizo de Stegebach Livtkoz de Tagebrehtishusin et alii quam plures Datum Patavie Anno ab incarnatione domini MCXI Indict IIII X kalend septemb regnante Henrico imperatore huius nominis V anno regni eius VII imperii uero I feliciter Amen