Charter Document - 03980002
| Charter Number: | 03980002 |
|---|---|
| Cartulary Title: | St. Florian, Stiftsarchiv |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0903 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et indiuidue Trinitatis Ludowicus diuina largiente gratia rex Liquido enim confidimus si erga diuina monasteria deo seruientibus aliquod solamen largituri sumus nobis in perpetuum et ad stabilitatem regni nostri prodesse Quapropter nouerit omnium fidelium presentium atque futurorum sollertia qualiter quidam Comes nomine Arbo et Engilmar Purchardi episcopi fassallus licentia eiusdem episcopi celsitudinem nostre dominationis humili admonitione flagitantes adierunt ut quibusdam canonicis patauiensium et deo et sancto Stephano prothomartyri Christi die noctuque famulantibus quedam loca que antea unacum decimatione ab illius sedis rectoribus scilicet episcopis in beneficium habere noscuntur in proprietatem concederemus Nos uero ob amorem domini nostri Jesu Christi et sancti Stephani licentia Purchardi eiusdem ecclesie sedis episcopi concessimus supradictis Canonicis Patauie loca unacum decimationibus cunctis ad illa loca iuste pertinentibus que ante in beneficium habuerunt hoc est inprimis Prama deinde Gurtana Lubihchinespach Pollinga Hohinhard Altheim Ostarunaha In Matahgowe Preterea etiam Chorpheim Hohunstat et Scardinga cum omnibus ad iam nominata loca iuste et rationabiliter aspicientibus terris cultis et incultis campis siluis aquis aquarumue decursibus mobilibus et immobilibus quesitis et inquisitis molendinis piscationibus uiis et inuiis exitibus et regressibus decimationibus totis intus et extra prope aut longe omnia ex integro supramemoratis canonicis ibidem deo et sancto Stephano militantibus in propriam potestatem perpetualiter donamus ita ut nullus Successorum nostrorum nec de Successoribus uidelicet episcopis supradicte Sedis aliquid de eis rebus minuere aut distrahere audeat que pro remedio anime nostre ac genitoris auique nostri antenominatis Canonicis concessimus et iussimus exinde hoc nostre auctoritatis preceptum conscribi per quod decernimus atque iubemus ut hec dominationis nostre donatio ab omnibus fidelibus sancte dei ecclesie presentium atque futurorum uerius credatur et diligentius conseruetur manu propria nostra subter eam confirmauimus et anuli nostri impressione sigillari iussimus Signum Ludowici serenissimi regis Engilpero notarius ad uicem Theotmari archicapellani recognouui et subscripsi Data II idus Augusti anno incarnationis dominice DCCCCIII Indictione VI anno regni Ludowici serenissimi regis III actum ad Otinga curte regia in dei nomine feliciter Amen