Charter Document - 03970097

Nos Chunradus dei gratia Abbas Hainricus Prior Totusque Conuentus Monasterij de seytansteten tenore presencium profitemur et constare volumus vniuersis quod ob grata seruicia nobis et nostro monasterio impensa et in futurum etiam impendenda per strenuum militem dom Ottonem dictum von der Erl post ipsius dom Ottonis vxoris sue Brigide ac filij sui Sifridi liberam et plenam resignacionem cessionem sev refutacionem quorumdam infrascriptorum bonorum sev possessionum ad manus nostras sponte factam de quibus possessionibus inter nos et ipsum dom Ottonem questio vertebatur deliberacione inter nos in nostro Conuentu habita diligenti eadem bona seu possessiones scilicet Curiam sitam in Augia cum decima ad ipsam Curiam pertinente Item Curiam sytam in vchsenperch Item predium dictum Chrugenlehen Item pratum vnum situm in polan olim ad hospitale pertinens Item pratum situm circa Curiam in aich Item agrum vnum situm circa forum sancti Petri in Augia cum consensu et vnanimi voluntate eidem dom Ottoni usque ad finem vite sue tantummodo contulimus dedimus et donauimus sic ex gracia speciali quod easdem alienare sev in aliam transferre personam ei non liceat Sed eo mortuo possessiones et bona eadem omnia ad nos et nostrum Monasterium sine contradictione prefate sue vxoris filij sui et omnium heredum ipsius absolute et libere deuoluantur Post quorum bonorum resignacionem sev cessionem ad manus nostras factam per ipsum dom Ottonem vxorem suam et filium prefatum eidem triginta talenta denar wienn donauimus et dedimus ex gracia speciali prefatis vxori et filio suis ad maiorem cautelam pro Lichophio per nos quinque talenta eciam assignatis Hec esset interjectio quod si prefatum dom Ottonem premori contingat sva vxor predicta superstes pratum situm circa curiam in aich superius nominatum Habeat et teneat tantummodo ad tempora vite sue De agro quoque superius nominato idem dom Otto nobis et nostro monasterio triginta den wienn soluet quoad uixerit annuatim ad cuius fei euidenciam pleniorem hanc cedulam nostrorum sigillorum munimine fecimus roborari Datum in Sytansteten in nostro Conuentu Anno domini MCC Nonagesimo Quarto in Natiuitate beate virginis Marie