Charter Document - 03970096

Ego Otto dictus von der Erl tenore presencium fateor et protestor quod interueniente pleno consensu et libera voluntate vxoris mee Brigide et filij mei Sifridi lese aliquantisper consciencie habens scrupulum quod bona et possessiones inferius annotatas contra racionis debitum hactenus possedissem scilicet cvriam sitam in avgia cum decima ad ipsam curiam pertinente Item cvriam sitam jn vechsenperch Item predium dictum Chruegenlehen Item pratum vnum situm in polan olim ad hospitale pertinens Item pratum situm circa curiam in aich Item agrum vnum situm circa forum S Petri in augia Easdem possessiones curias et bona omnia ad manus et ad gratiam venerabilis viri domini Chunradi abbatis de Sitansteten suo et Conuentus sui loco et nomine recipientis pure resignaui refutaui libere dedi et tradidi absolute cedens sponte omni juri racioni et actioni si qua vel si quid in predictis possessionibus michi et meis heredibus competere videbatur promittendo dictam resignacionem refutationem tradicionem et cessionem per me meosque heredes presentes et futuros ratam et firmam habere ac tenere perpetuo et nunquam contrauenire iure occasione uel alia aliqua racione Preterea hiis scriptis publice assero quod idem dom meus abbas de Sytansteten ad consilium et arbitrium venerabilis viri dom mei Hainrici abbatis admont et strenuorum militum dom friderici dicti Chresslinch Chunradi de zaucha Hainrici dicti streler et discreti viri Gotschalci ciuis de ybsa inter nos amicabilium compositorum per nos ambos etiam electorum triginta talenta wienn denar michi dedit donauit et tradidit vt eo forem promptior ad resignandum et etiam ad cedendum vxori mee prefate ad maiorem cautelam pro Lichofio et meo filio supradicto per ipsum dom meum abbatem de Sytanstet quinque talentis denar wienn etiam assignatis Post quorum bonorum omnium et possessionum puram et liberam per me ac vxorem et filium meum presentes resignacionem et cessionem etiam factam presentibus recognosco quod idem dom meus abbas de Sytansteten sui conuentus pleno interueniente consensu possessiones et bona easdem michi ex speciali gratia tantummodo ad tempora vite mee et non vlterius donauit sev tradidit taliter possidendas quod eadem bona et possessiones alienare sev transferre in aliam personam non valeam vllo modo Post meum vero decessum possessiones et bona eadem sine contradiccione prefate vxoris mee filij et omnium heredum meorum pure absolute ac libere ad prefatum dominum meum abbatem de Sytanstet et suum monasterium deuoluantur quas possessiones et bona ex nunc ex speciali gratia ipsius domini mei abbatis et sui conuentus loco et nomine me quoad uixero tenere assero ac etiam possidere Hoc etiam interiecto quod si premori contingat me sepe dicta vxor mea superstes pratum situm circa curiam sitam in aich superius nominatum habere et tenere debeat usque ad tempora tantummodo vite sue De agro quoque superius memorato eidem dom abbati et suo monasterio denr XXX debeo soluere annuatim ad quorum omnium euidenciam et in posterum certitudinem pleniorem meum et venerabilium et discretorum virorum Dom Hainrici Admonten vlrici Gersten abbatum Magistri Gerhardi plebani de jdnich Chunradi de zaucha Hainrici dicti streler militum et Gotschalci de Ipsa sigilla apponi huic cedule diligencius procuraui datum et actum in foro S Petri in augia anno domini MCCLXXXXIIII In Natiuitate beate virginis Presentibus venerabilibus et discretis viris Dom Hainrico Abbate admonten Magistro Gerhardo plebano de Idnich friderico Chresslingo Chunrudo de zaucha Hainrico strelario friderico dicto Lopo militibus Chunrado plebano aput scm Petrum Vlrico pauzzone Hertnido Chresslingo Hermanno Nevnbergario et aliis pluribus fide dignis