Charter Document - 03970091
| Charter Number: | 03970091 |
|---|---|
| Cartulary Title: | Seitenstetten, Stift |
| Charter Language: | German |
| Charter Origin: | Religious |
| Charter Type(s): | Renewal |
| Date: | 1290 |
| Date type: | Assigned |
| Resource Link(s): |
Monasterium.net |
Charter:
Ich chunrat von gotes gnoden abbt von Seitensteten vergich al den disen brif ansecht di do sint oder noch chunftig werten daz Hainrich der Wagner und sein bruder Wernhard ein chlain lechen hawent gehabt vnd daz selb lechen vor mir chunrat abbt ze seitensteten wider geneut izt dz sew hawent datz achehaim mit meim insydel vnd von dem vor genanten lechen dient man segkig phening neur an vnser vrowen tag vn phunfzig phenig an sant Mertinstag vnd ocht chez vnd dem amman zechen phening vnd phunz in dz mal swelcher zeit man den diest versitzet so beleib man dez nesten tages dor noch segk phening ze wandel vnd auf trey virzechen tag sechs shilling vnd dz vor genant lechen shuln sev niem verchafphen er gehoer den zu dem gotes hauz hincz seitestete vn shuln auch stet sedelhefftig do wesen vnd hof vnd hauz do hawen auf dem selben lechen