Charter Document - 03970089
| Charter Number: | 03970089 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1285 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Albertus dei gratia Decanus ardacen Constare cupimus vniuersis quod cum Fridericus de Schafferueld venerabilem dom Rudolfum abbatem Monasterij sancte Marie in Sytansteten impeteret pro quodam aqueductu iuxta amsteten situato Qui aquam in molendinum dicti Monasterij deflectit in Ekkresdorf et nobis ibidem loco venerabilis dni nostri et patris in Christo Wernhardi patauien episcopi iudicio presidente vt nobis dederat in mandato ad consilium nostrum et aliorum proborum virorum sic inter ipsos est finaliter arbitratum quod cessante lite pro decima phfrillarij et pro libra redituum quam fridericus dominum abbatem sibi asseruit promisisse ipse dom abbas ipsi friderico in festo purificacionis proximo cum consensu sui conuentus tres libras prompte pecunie ad hunc terminum erogauit vt sepe dicto friderico vel tota sua posteritas in quorum manibus agri consistunt in quibus aqueductus est locatus vel per quos aqua defertur ipse aque ductum nulla impeticione vel violentia si hereditario iure habent uel fevdali uel per empcionem de cetero debeant inpedire Si uero cetera molendina molestare conantur ex tunc molendinatores predicti monasterij in eisdem agris ipsis meatum aque ad eorum vtilitatem debent comode preparare Acta sunt hec amsteten presentibus hiis testibus fide dignis Alberto viedorf Vlrico de viedorf vlrico de Schafferveld friderico de payn Hainrico de harawe Ottone decimatore cum ceteris fide dignis Vt igitur hec calumpniari nequeant nostro Sigillo et suo proprio presens litera solidatur Anno Domini MCCLXXXV In vigilia Sancti Thome apostoli