Charter Document - 03970086
| Charter Number: | 03970086 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Lay |
| Charter Type(s): | Revocation |
| Date: | 1280 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Fridericus miles dictus de Hausek omnibus Christi fidelibus presentem paginam inspecturis salutem in eo qui est omnium vera salus Cum labilis sit memoria hominum et omnibus dies crastina sit incerta scripto commendari oportet ea que rationabiliter aguntur in tempore ne aut obliuione uel peruersitate prauorum hominum retractentur et in posterum successoribus occasio litis detur Deinde notum facio vniuersis presentes litteras inspecturis quod lis que inter venerabilem Abbatem et Ecclesiam in Sytansteten ex vna parte et me et meos progenitores et coheredes ex parte altera longo tempore durauit super predijs et terminis sitis in Ibsitz et decimationibus eorundem secundum quod in priuilegijs Ecclesie sepe dicte datis a reuerendo patre Wichmanno Madeburgensis Ecclesiee Archiepiscopo plenius continetur taliter est decisa videlicet quod ego cessi simpliciter omni liti et dicta predia infra dictos terminos sita Ab eisdem Abbate et Conuentu recepi tytulo feodali addiciens etiam quod nichil aliud recepi ab eisdem Abbate et Conuentu preter ea que extra terminos Ecclesie Ratisponensis qui dicuntur Lutz vulgariter essent sita qui etiam termini siue lutz in registro Ecclesie Ratisponensis et in priuilegijs prefate ecclesie in Sytansteten plenius sunt expressi Est etiam in dicte decisionis compositione adiectum quod heredes mei si quos mihi dederit dominus in futuro predicta predia ab eadem Ecclesia recipient tytulo feodali Si uero mie sine heredibus decedere contingerit ex tunc eadem predia cum omni iure suo vacabunt Ecclesie supradicte In cuius rei testimonium dedi eisdem Abbati et Conuentui presentem paginam sigilli mei munimine roboratam Testibus qui aderant subnotatis videlicet dno Marquardo milite dicto de Zincendorf dno Purchardo de Wasen dno Heinrico de Lauffen dno Alberto dicto Prater Otokaro et Ottone fratribus de Glviz Hainrico et Hertwico et Ottone fratribus de Wasen Alexandro Notario de Sytansteten Hainrico de Horowe Wolflino Rainspergario Sifrido pistore Diterico Hasenstain et alijs quam pluribus fide dignis Datum in Sytansteten Anno dni MCCLXXX in vigilia Purificationis