Charter Document - 03970060
| Charter Number: | 03970060 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1264 |
| Date type: | Internal, Calendar, Papal |
| Resource Link(s): |
Monasterium.net |
Charter:
Omnibus presentes litteras inspecturis Bartholomaeus Archid Amb Domini Pape Capellanus et ipsius contradictionum Auditor Salutem in domino Noueritis quod cum Magister Ricardus Procurator [] Abbatis et Conuentus Monasterij sancte Marie de Sitansteten pro ipsis impetraret literas apostolicas sub hac forma [] Eisdem literis Waldinus de Bechona Clericus procurator uenerabilis Patris Episcopi Frisingensis pro ipso in audientia publica contradixit quas tandem ea conditione absoluit quod super questione iuris patronatus que uertitur inter predictos Abbatem et Conuentum Monasterii s Marie ex parte una et predictum episcopum ex altera nullum eidem Episcopo quoad ius patronatus si quod habet per predictas litteras preiudicium generetur quod pars altera promisit coram nobis In huius rei testimonium presentes literas fieri fecimus et nostro sigillo muniri Datum apud Urbem veterem XV kalend Julii Pontificatus Domino Urbane Pape IV anno tertio