Charter Document - 03970027
| Charter Number: | 03970027 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1222 |
| Date type: | Internal, Calendar, Papal |
| Resource Link(s): |
Monasterium.net |
Charter:
Honorius Episcopus seruus seruorum dei Dilectis filiis [] de Agmunde et [] de Gersten abbatibus et [] preposito sancti Floriani Saltzburgen et patauien dioc Salutem et apostolicam benedictionem Dilecti filii [] Abbas et Conuentus de Sytansteten suam ad nos querimoniam destinarunt quod Meinhardus et Rapoto de prunsperch patauien dioc super terris siluis et rebus aliis iniuriantur eisdem Quocirca discretioni uestre per apostolica scripta mandamus quatinus partibus conuocatis audiatis causam et appellatione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint per censuram eandem appelatione cessante cogatis ueritati testimonium perhibere Quod si non omnes hiis exequendis potueritis interesse Duo uestrum ea nichilominus exequantur Datum Alatri V Non Maij Pontificatus nostri Anno Sexto