Charter Document - 03970021
| Charter Number: | 03970021 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1199 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
In nomine sancte et indiuidue Trinitatis Amen Berngerus dei gratias abbas sancti Lamberti Chunradus eadem gratia Gurcens prepositus omnibus Christi fidelibus tam futuris quam presentibus precipue domino episcopo patavien Wolfkero nec non eius clero uolumus innotescere quod cum controversiam que vertebatur inter abbatem de Sytansteten et plebanum de vekelach Stephanum nomine super capella in Rebgev audiendam ac discuciendam et debito fine terminandam apostolico mandato suscepissemus partibus in presencia nostra constitutis et literis utrorumque testimonialibus auditis ne sumptibus iudiciariis ambe partes grauarentur neve altera pars omnino dampnificaretur placuit nobis cum consilio meliorum de mediatoribus amicabili composicione causam decidere Fide quidem ab utrisque vece sacramenti accepta vt quidquid inter eos super eadem capella statueremus ratum sine contradictione tenerent De consilio itaque nostro predictus plebanus omni iuri quod se in eadem capella habere fatebatur in presencia nostra penitus renunciauit et ipsum abbas in ea personaliter tantum inuestiuit et omnia eidem capelle tunc temporis dum primum collata est monasterio attinencia seu postea donacione aliqua accedencia tempore uite sue seruiant plebano ita quod illa ab eo absoluta nullus post ipsum preter solum abbatem in ea sibi quicquam vsurparet nisi quantum a domino abbate posset impetrare et ipse abbas commoditatem monasterii sui quilibet in eadem capella liberam habeat potestatem ordinandi et si posset a domino patauien episcopo cum consensu prepositi de sancto floriano in cuius parrochia constituta est eadem capella spiritualia prefato plebano cum temporalibus habenda impetret Ipse vero plebanus annuatim sub nomine pensionis tres solidos monete illius terre domino abbati debet persoluere et transactionem huius negocii ex ordine coram domino patauien episcopo publicare nec ullomodo clam seu palam quominus spiritalia impetret audeat abbatem impedire Testes huius rei sunt hii Hainricus archidiaconus marchie Hainricus hainricus Gurcens Canonici Waltherus monachus sancti Lamberti Gotfridus et Ditmarus et Symon frisacenses Canonici et alii quam plures Actum aput frisach anno dominice incarnacionis MCXCVIIII Indict II Non Aprilis Presedente sedi apostolice Innocendo papa III Anno Pontificatus eius II