Charter Document - 03970015
| Charter Number: | 03970015 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue Trinitatis Diepoldus gratia Dei Patauiensis ecclesie episcopus Omnibus Christi fidelibus perpetuam in domino salutem Amen Etsi propter officium cum pastoralis omnibus ecclesiis et monasteriis ad protegendum proposse nostra debitores sumus maiori tamen quadam iusticia his tenemur prospicere quos iure fundi et patronatus constat ad matricem ecclesiam patauie pertinere Vnde lis que inter cornitem Chunradum de pilstein et dilectum fratrem nostrum Chunradum venerabilem abbatem de sitanstetin diu agitata est et uentilata ne malicia hominum que in dies crescit in errorem poterit reuocari qualiter decisa sit et presentibus et futuris nos non piget scripto manifestare Nam predictus abbas cum decimationis noualium ex vtraque parte fluminis ybise donatione antecessoris nostri pie memorie Udalrici patauiensis ecclesie episcopi suo teneri monasterio contenderet sicut et priuilegiis in promptu habebat confirmare comes chunradus iure beneficii patauiensis ecclesie suas nichilominus esse affirmabat donec tandem post multas vtriusque partis allegationes ex consensu hinc et inde arbitri positi talem premisse contentioni finem inposuerunt ut scilicet comes chunradus acceptis viginti duobus talentis omne ius beneficii in predictis decimis nobis resignaret et sic monasterium et gratia comitis non careret et decimas nostra donatione in pace tranquillitatis in perpetuum possideret Que omnia sicut premissum est quia ad debitum finem sunt perducta quod factum est pro bono pacis et ratum tenemus et inconuulsum ut permaneat scripto et inpressione sigilli nostri confirmamus et omnes infringere attemptantes auctoritate omnipotentis dei ab ecclesia eliminamus et usque ad debitam satisfactionem exconimunicationi subicimus Huius rei testes sunt Marchardus abbas clunicensis Haimo prepositus ypolitensis Magister Albertus Comes heinricus de schala et frater eius Sigehardus Hademarus de chofarn Hermannus de hirzeperch et Sifridus isinbutil et frater eius karolus Wasigrimus et heinricus de biberpach et alij plures Hec facta sunt anno incarnationis dominice MCLXXXVIII