Charter Document - 03970003
| Charter Number: | 03970003 |
|---|---|
| Cartulary Title: | Seitenstetten, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1142 |
| Date type: | Internal, A.D. |
| Resource Link(s): |
Monasterium.net |
Charter:
In Nomine sancte et indiuidue Trinitatis Regibertus gratia Dei Patauiensis ecclesie episcopus Universis sancte ecclesie filiis salutem in domino perpetuam Quia breuis est uita humana et multa frequentius somno obliuionis sopiuntur idcireo que a nobis iuste ac rationabiliter facta fuerint ne in aliquem disceptationis errorem deducantur ea litteris commendare et ad posteros illesa transmittere non inutile iudicamus Itaque concambium quod cum delectis fratribus nostris de Sitansteten habuimus universis presentibus et futuris notum facimus et ut firmum incorruptumque teneatur ad cautionem scripto commendauimus et posteris diligentissime reseruari precepimus Nam allodium phafsteten quod parentes nostri predicto monasterio contulerant nos ab eis accepimus et ob honorem ac necessitatem episcopalis ecclesie uendidimus et propter uicinam commoditatem decimationes in Sunnilburch cum ipsa curte eis in recompensationem donauimus Parrochiam quoque Woluesbach cum omnibus ecclesiis suis adtitulatis in loco ipso scilicet Sitansteten et in monte S Michahelis nichilominus sub eadem ratione predictis fratribus contulimus Tali uidelicet tenore ut abbas prefati monasterij electus Altaria semper cum ipsa abbatia de manu episcopi accipiat et ad arbitrium suum et utilitatem libere deinceps eisdem ecclesiis sacerdotes prouideat eo nimirum pacto ut idem sacerdotes et conuentum fratrum et capitulum episcopi adeant et illi de omni negligentia et excessu respondeant Huius autem actio concambij ne in irritum possit deduci omnes infringere adtemptantes auctoritate domini nostri Jesu Christi excommunicamus et perpetuo anathemate dampnationi subicimus Huic rei hii adhibiti sunt testes Chadalhous prepositus maioris ecclesie Adalbertus prepositus s Nycolai Dietmarus prepositus s Floriani Anwicus prepositus s Ypoliti Et de choro Fridericus dechanus Magister Odalricus et Heinricus et Rantwicus [] et Otto de Witten et Almarus de Efridingen Hartwicus quoque de hagenowe Et Erkenbertus de mosebach et filii eius Erkenbertus et Fridericus et Gotschalkus de hunsberch Pabo de Zollingen Egeno et frater eius Alramus de Vrla Marchwardus de Wesen Sigboto de Tannenberch Walchun de Schlehdorf et alii quam plures Hec facta sunt anno dominice Incarnat MCXLII Indict V