Charter Document - 03960068
| Charter Number: | 03960068 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1292 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Nos Vlricus miseracione diuina abbas de Herbersperk vna cum conuentu nostro recognoscimus publice protestantes quod in questione quam honorabilis uir dominus Wilhelmus abbas monasterii sancte Marie Scotorum in Wienna vna cum conuentu suo nobis coram discreto uiro domino Wernero plebano de sancto loco a venerabili domino Patauiensi episcopo iudice delegato mouet et mouere intendit pro duobus prediis cum suis inribus et pertinenciis sitis in villa nostra Absdorf in partibus Austrie que predia cum suis iuribus et pertinenciis ad suam parrochialem ecclesiam in Eckendorf idem abbas ivre communi pertinere allegavit deuotum nostrum dominum Wernhardum uirum discretum procuratorem in Wedlinge ad defendendum et ad componendum et omnia faciendum legittimum procuratorem et cause dominum constituimus ratum et gratum et inuiolandum habituri quidquid per eum in questione predicta fuerit ordinatum Qui nobis retulit quod concordando nos cum predicto domino abbate Scotorum obtulit pro predictis prediis et aliis iuribus XIIII libras denariorum Wiennensis monete cum quibus equiualencia predia et eque bona predicte ecclesie in Eckendorf debet conparare et de cetero occasione illorum duorum prediorum nullas prestaciones in predicta uilla percipere debeat eo dumtaxat excepto quod capellanus qui in capella inibi officiauerit sacrificia altaris et mortuaria remedia cum obuentionibus qualibuscunque que in ecclesiis offerri consueuerunt percipere teneatur In cuius rei testimonium hanc kartam nostri et conuentus nostri sigillorum munimine fecimus roborari Testes sunt hii dominus Wernerus plebanus de sancto loco iudex cause magister Nycolaus canonicus Cremisirensis Actum et datum anno domini MCC nonagesimo secundo