Charter Document - 03960065

Ego Heinricus dictus Weinhuser filius Chvnegvndis de Ringelberch et vxor mea Levkardis et ego Chvnegvndis de Ringelberch mater prenominati Heinrici et ego Perchtoldus de Ewergozzinge et vxor mea Jivtta filia prefate Chvnegvndis confitemur coram presentibus et futuris ad quos presentes littere peruenerint quod nos spontanea uoluntate deliberato consilio et consensu amicorum nostrorum accedente honesto militi domino Griffoni residenti Wienne prope ecclesiam sancte Marie in Littore et omnibus heredibus suis aream nostram sitam circa chorum ad sanctum Vdalricum apud Zaizmansprvnne cui fvndus in quo predicta capella sancti Vdalrici apud Zaizmansprvnn fvndata est dinoscitur attinere et advocatiam quam habuimus apud Zaizmansprvnn cum omnibus pertinentiis suis que orania titulo possedimus proprietatis cum vniuersitate iuris quod nobis conpetiit in premissis prout illa in nos per mortem quondam Ditrici dicti dez Reichen bone memorie sunt legittime deriuata vendidimus pro XV talentis Wiennensis monete de quibus nos esse pagatos vocamus assignantes predictis domino Griffoni ac suis heredibus prefatam aream prope chorum sancti Vdalrici apud Zaizmansprvnne et aduocatiam apud Zaizmansprvnne per nos habitam et possessam ad habendum tenendum et tam possessionis comodo quam proprietatis dominio perpetuo possidendum Renuntiamus insuper omni iuri et actioni simpliciter et precise que nobis in premissis area et aduocatia competunt vel possint competere in futurum admittentes et concedentes liberaliter ut si quid de premissa aduocatia et iuribus pertinentibus ad illam est venditum alienatum uel districtum quomodocumque et quibuscumque memoratus dominus Griffo et sui heredes redimant soluant et recuperent et simili iure possideant cum aduocatia predicta Et ut premissa in debito robore perseuerent promittimus per presentes predicto domino Griffoni et suis heredibus predictam aream et aduocatiam defendere in iure et de euictione cauere secundum terre Avstralis consuetudinem generalem In cuius rei perpetuum testimonium nos Heinricus dictus Weinhavser et Perchtoldus de Ebergozzinge vxoribus nostris et Chvnegunde matre mei Heinrici sigillis carentibus set in hoc consentientibus presentes nostris sigillis duximus roborandas Testes sunt dominus Heinricus plebanus de Zaizmansprvnne dominus Wernhardus capellanus de sancto Nicolao prope Cannas dominus Reimboto magister hubarum dominus Wernhardus de Radvn Jacobus de Hoy Chvnradus Harmarchtarius Vlricus filius Chvnonis dominus Heinricus de Hekkinge dominus Wolfkerus de Owe Otto Vlricus Rvgerus List Sifridtis Fridericus et plures alii fide digni Datum et actum Wienne anno domini M ducentesimo octogesimo octauo in die sancte Katerine