Charter Document - 03960064
| Charter Number: | 03960064 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1288 |
| Date type: | Internal, A.D., Papal |
| Resource Link(s): |
Monasterium.net |
Charter:
Vniuersis sancte matris ecclesie filiis ad quos littere presentes peruenerint nos dei gratia Theoctistus Andrianopolitanus Johannicius Mocacensis archiepiscopi et Petrus Sranensis episcopus salutem et sinceram in domino caritatem Quia pium est pro defunctis exorare vt a peccatis eorum absoluantur gratum ideo obsequium et deo pium tociens impendere opinamur quotiens merites fidelium ad pietatis et caritatis opera excitamus Ea propter nos de omnipotentis dei misericordia beatissimeque semper virginis Marie nec non et beatorum Petri et Pauli apostolorum atque omnium sanctorum meritis et precibus confidentes omnibus vere penitentibus et confessis qui pro anima Henrici ducis Austrie fundatoris ecclesie sancte Marie in Wienna Patauiensis diocesis cuius corpus requiescit in predicta ecclesia et pro animabus omnium quorum corpora requiescunt in cirniterio ecclesie supradicte et pro animabus omnium fidelium defunctorum oracionem dominicam cum salutacione angelica quocienscunque etquandocunque pia mente dixerint quilibet nostrum singillatim quadraginta dies de iniunctis eis penitenciis dummodo consensus diocesani ad id accesserit misericorditer in domino relaxamus In cuius rei testimonium sigilla nostra presentibus apposuimus Datum Reate anno domini MCCLXXXVIII pontificatus domini Nicholai pape quarti anno primo