Charter Document - 03960063
| Charter Number: | 03960063 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1288 |
| Date type: | Internal, A.D. |
| Resource Link(s): |
Monasterium.net |
Charter:
Ego Wilbirgis relicta Vlrici de Hitendorf tenore presencium profiteor et scire cupio vniuersos ad quorum noticiam peruenerit presens scriptum quod ob reuerenciam dei et gloriose virginis Marie nec non in remedium animarum iam dicti mariti mei pie recordacionis et mee duo predia videlicet vnum in Pradlech et aliud in Trautvelde sita per prouidenciam antedicti mariti mei et meam libere et racionabiliter empta delegaui ecclesie sancte Marie Scotorum in Wienna tempore vite et sanitatis mee et in super domum vnam Wienne cuius fundi proprietas pertinet ad ecclesiam prelibatam nec mirum cum prenotatus maritus meus affectu specialis devocionis ecclesiam et fratres eiusdem amplectens delegauerit scilicet supradictum predium in Pradlech quod Fridericus ibidem tenet vtpote liquido apparet in priuilegio concesso super hoc monasterio memorato Et ne in posterum aliquis amicorum mariti mei uel meorum possit sibi occasionem iuris in ipsa elemosina usurpare maxime cum iam dicta bona propriis laboribus et pecunia vnacum marito meo ut premissum est conquisiuerimus ecclesie beate virginis sepius nominate et fratribus in eadem constitutis trado me adhuc viuente prelibati testamenti possessionis plenam et liberam potestatem In cuius rei testimonium predictis abbati et fratribus presentes concessi litteras mei sigilli munimine solidatas Testes vero sunt dominus Rimboto dictus Zelevb Leupoldus de alta strata Leupoldus dictus Chelerchneht et quam plures alii fide digni Acta sunt hec anno domini MCCLXXXVIII