Charter Document - 03960060
| Charter Number: | 03960060 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1287 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Kalhohus dictus de Eberstorf significandum duxi tenore presencium vniuersis quod ego de permissione dilecte vxoris mee Berhte omniumque heredum meorum et coheredum liberorum videlicet et covterinorum mansum vnum situm in Wulczendorf soluentem annuatim in festo assumpcionis beate virginis duas libras denariorum Wiennensium et duodecim caseos pro weised per mortem matris mee iure hereditario ad me deuolutum domino Sighardo venerabili abbati sancte Crucis et fratribus ibidem deo in perpetuum seruientibus pro quodam manso ipsis iure proprietario attinente sito in Peugen soluente annuatim vnum chastmutt tritici et sex solidos denariorum commutans donaui proprietatis titulo perpetuo possidendum nullo michi meisque heredibus iure in eodem penitus remanente Et ad maioris tutele securitatem cautum est a me pariter et promissum quod si quisquam liberorum meorum seu heredum abbatem et fratres premissos in huiusmodi commutacionis donacione inpedire seu inpetere vellet quomodo libet uel grauare ex tunc memoratus mansus in Peugen situs ad eos iure pristino reuertetur et nichilominus ipsis viginti libras denariorum Wiennensium superaddet Promisi eciam et promitto ac veritate presencium obligo in premissis omnibus et singulis defensionis legitime tutelam me secundum communem terre consuetudinem exhibere In huius igitur rei perpetuam firmitatem presentem litteram conscribi feci ac nobilium virorum domini Chvnradi de Pilhdorf domini Leupoldi de Sahsengange meique nec non fratris mei domini Rinberti camerarii Austrie sigillis communiri nominaque testium subnotari qui sunt dominus Hermannus de Wolfgerstorf dominus Chvnradus de Pilhdorf dominus Fridericus dapifer de Lengenbach dominus Albero de Pvechhaim dominus Leupoldus de Sahsengang dominus Albertus Stuhso de Trovtmannstorf dominus Wulfingus de Keiowe dominus Otto et dominus Chadoldus fratres de Haslowe et alii quam plures Actum et datum Wienne anno domini MCCLXXXVIII in die sancti Thome episcopi et martyris