Charter Document - 03960057
| Charter Number: | 03960057 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1287 |
| Date type: | Internal, A.D., Calendar |
| Resource Link(s): |
Monasterium.net |
Charter:
Albertus dei gratia dux Austrie et Styrie dominus Carniole Marchie ac Portusnaonis vniuersis tam presentibus quam futuris ad quos presens scriptum peruenerit imperpetuum Constituti coram nobis honorabiles et religiosi viri abbas et conuentus monasterii sancte Marie Scotorum in Wienna quoddam nobis ostenderunt priuilegium sibi concessum a serenissimo domino et genitore nostro karissimo domino Rvdolfo Romanorum rege petentes humiliter et deuote quatenus de speciali gratia dignaremur idem ipsis approbare et innouare priuilegium cuius tenor per omnia talis erat Nos itaque predictorum abbatis et conuentus precibus inclinati prenotatum priuilegium sicut de uerbo ad uerbum expressum est approbamus innouamus et presentis scripti patrocinio communimus dantes has litteras sigilli nostri karactere consignatas in robur et testimonium euidens super eo Datum Wienne anno domini MCC octogesimo septimo idibus Januarii