Charter Document - 03960050
| Charter Number: | 03960050 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1280 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gracia sancte Salzburgensis ecclesie archiepiscopus apostolice sedis legatus vniuersis Christi fidelibus presentem litteram inspecturis salutem in omnium saluatore Cupientes quoslibet sacrosancte fidei professores quasi quibusdam illectiuis muneribus indulgenciis scilicet et remissionibus ad caritatis uotiua opera inuitare precipueque in quantum nobis indulgetur a domino efficere vt ecclesie que sancta dei tabernacula vocantur congruis honoribus frequententur omnibus fidelibus vere penitentibus et confessis qui ad ecclesiam beatorum Pangracii et Panthaleonis martirum Wienne in Curia ducis in quatuor festis videlicet in dedicatione ecclesie et altaris superioris nec non in festo Pangracii et Panthaleonis martyrum deuotionis causa conuenerint Quadraginta dies criminalium de iniuncta ipsis penitentia misericorditer de saluatoris omnium confisi gracia in domino relaxamus presentibus nostra concessione perenniter valituris Datum Wienne anno domini MCCLXXX pridie idus Octobris