Charter Document - 03960036
| Charter Number: | 03960036 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1254 |
| Date type: | Internal, A.D. |
| Resource Link(s): |
Monasterium.net |
Charter:
Uniuersis Christi fidelibus presentem paginam inspecturis innotescat quod ego Wernhardus de Ladendorf propter dampna et grauamina per me et homines meos ecclesie sancte Marie Scotorum in Wienna multipliciter illata in eadem villa cum eiusdem ecclesie abbate et conuentu studui taliter complanare conferendo ipsis unum talentum in reditibus annuatim sine questione aliqua percipiendum Annuentes vtique ex utraque parte quod quamdiu ad percipiendum predictum talentum possessiones alique prefato abbati et conuentui non specificauero unde iddem ipsis persoluatur predium meum in Hademarsdorf si in solutione premissa negligens fuero ad tollendum iam dictum talentum singulis annis in festo beati Michahelis eisdem duxi fideliter obligandum Adiciens insuper quod postquam me uiam carnis uniuerse subire contigerit ex presenti legatione predium meum in Ladendorf quod nunc Heinricus Keseler et Livpoldus dictus Huombel per me et meos parentes iure hereditario possident sine contradictione cuiuspiam ad ecclesiam perpetuo memoratam deuoluatur In cuius rei testimonium presentem paginam conscribi feci ac pro cautela habundantiori sigillo domini Ottonis de Misowe qui nunc tutor uxoris mee esse uidetur et meo presenti disposui cum testium nominibus communiri Testes sunt [] magister hospitalis sancti Johannis et Lvtwinus fratres in Muerberge Rvodegerus plebanus in Ekkendorf Nicholaus presbyter [] plebanus de Ladendorf Alrammus miles de Ladendorf Heinricus de Raschenlo Paulus Gundoldus Reimbertus et Heinricus Stayn [] l et alii quam plures Datum Crems indictione XII anno domini MCCLIIII